更新時間：09:00 2026-05-03
發佈時間：09:00 2026-05-03
發佈時間：09:00 2026-05-03
有「翻版李珊珊」之稱的前無綫兒童節目主持邱晴，自離巢無綫後，除轉型擔任KOL外，還經常在HOYTV現身。繼之前的《女行團》後，她還會主持《運動關注組》。日前，東姑在尖沙咀歎咖啡時，就巧遇身穿黑色連身裙的邱晴。當日，她拎住一本書入了一間咖啡室，買完飲品便一邊睇畫冊，一邊飲咖啡。待有美食送上時，她還自拍打卡。
飲齋啡祛水腫好有效
東姑趁機上前搭訕，她分享說︰「我睇嘅係莫奈的畫作，我高中時修讀視覺藝術科，好喜歡畫畫。頭先做完嘢，咪行過嚟飲嘢，我都係入行後先飲咖啡，因為話齋啡可以祛水腫，但我試過落兩大羹咖啡粉去沖，結果飲到手震同心勁跳，所以唔可以飲太強烈。我上次去越南拍節目，飲咗杯大象屎咖啡，都好堅果味，話同貓屎咖啡製作一樣。」
成極限運動港隊成員
邱晴又表示，自己是新興極限運動「荷蘭飛環」的港隊成員，更獲邀擔任新興運動的推廣大使。此外，她透露將於7月飛到四川雅安比賽，期望打出好成績；另她還打趣說，雖然經常出埠比賽，接觸好多人，但就未有艷遇。今年先26歲，仲有大把青春去等待呀。
延伸內容：邱晴獨家益《東周刊》讀者 賣大包送50張親筆簽名Postcard
最Hit
