更新時間：18:39 2026-03-30
發佈時間：18:39 2026-03-30
發佈時間：18:39 2026-03-30
著名形象指導、外號「綠魔」的許嘉浩（Karl），向來都好鬼多人生格言，其中一句就是：「死咗咪有得長瞓囉！𠵱家生勾勾瞓咁鬼多做乜鬼啫。」所以他的睡覺周期就是玩3日瞓1日。而l瞓得特別少嘅Karl絕對唔會浪費一分一秒，多年來除咗做形象指導外，仲向唔同嘅方向發展，可以話係「百足咁多爪」。
Karl瓣數多多 做埋節目監製同主持
Karl除了做形象指導做得出色之外，更是一個搞活動的能手及KOL，東姑記得有一次他與另一位網紅一同做直播帶貨，當時正在推介海鮮，他突然語出驚人：「我私底下送多一隻鮑魚俾你哋。」之後更啜核地爆多句：「唔係我嗰隻呀吓，我冇㗎！」雖然他的言論相當大膽，但卻獲得不少公司老闆的青睞，爭相找他幫忙帶貨。
踏入馬年，Karl已馬不停蹄地連日開工進行拍攝，深得老闆喜歡嘅佢現時擔任十二個頻道嘅節目監製同主持，更會開直播與中港澳台的粉絲直接互動。網民及品牌客戶都稱讚Karl精力無限，甚至試過由晚上直播到凌晨五點，帶著不同國家不同地區的忠實觀眾去不同嘅星級餐廳、夜店VIP派對等。
日前， Karl被邀率先出席英皇娛樂「25+ HAPPY BIRTHDAY慶典」淺水灣The Pulse「EEG 25+ 嘉年華」試玩，場內有經典攤位遊戲及經典音樂與電影美學為主題的互動裝置，更有Twins過往演唱會演出的服飾展示。席間Karl於其頻道率先跟粉絲分享，立即大獲中港兩地粉絲好評，Karl做形象指導做得出色之餘，做KOL一樣咁掂！
最Hit
