更新時間：09:00 2026-01-25
發佈時間：09:00 2026-01-25
發佈時間：09:00 2026-01-25
在演藝界打滾近一個甲子年，年屆83歲的許冠文（Michael），獲譽為香港一代笑匠，拍下多齣膾炙人口的經典電影，包括：《半斤八兩》、《摩登保鑣》、《雞同鴨講》等。1982年，他更憑《摩登保鑣》奪得第一屆香港電影金像獎的影帝殊榮。近年，東姑最記得Michael在電影《風再起時》中，以流利的英語舌戰一眾政府高官，不單止贏得觀眾的讚賞，更贏得金像獎的「最佳男配角」。
許冠文稱高質素電影有人撐
雖然這些年經濟低迷，但Michael就表示對香港電影有信心，表示香港人仍然願意入場支持高質素的香港電影：「2025年有兩部片票房過億，即係觀眾話俾你聽，唔係完全唔睇，係已經揸住錢喇，等緊『你』有料嚟㗎啫，啱睇就冚過億嘅！咁如果普通嘅呢？咁就唔該你喇！觀眾𠵱家就係一係唔食，一係就要食餐好嘅，唔該你煮餐好嘅咁解。」
「身體力行」買飛入場睇戲
日前晚上8點，在銅鑼灣一個大型商場的戲院門口，東姑發現戴上鴨嘴帽、一身休閒打扮、精神充沛的Michael，正在準備入場睇電影。因為正值晚膳時間，相信為怕肚餓，所以他入場前便在小食店買了爆谷及汽水，準備一邊食一邊欣賞好戲，身體力行，支持電影業！
延伸內容：《破·地獄》成香港史上最高票房電影第3位 許冠文大讚加長版更豐富完整 朱栢康寄望香港電影加油
最Hit
