更新時間：15:53 2025-09-01
發佈時間：15:53 2025-09-01
發佈時間：15:53 2025-09-01
東姑每年都好鍾意睇香港小姐競選，皆因靚人靚衫特別多，好似昨晚（8月31日）舉行的《2025香港小姐競選》，一如既往，盛會舉行前先於黃昏舉行紅地毯直播，多位歷屆港姐先後行紅地毯，個個以性感打扮盛裝出席，吸睛指數爆曬燈，真係睇到東姑眼都唔眨。而東姑所見昨晚以高叉低胸戰衣示人的馮盈盈，最噴晒鼻血、最具戰鬥力！
東姑欣賞馮盈盈每年都盛裝打扮出席活動外，更欣賞她同傳媒朋友傾偈的對答能力，昨晚馮盈盈被記者問到她的樣子有點變化和身材變得澎湃時，她就處變不驚、面不改容地指身材好，全因身穿的低胸裙剪材好好，才會令她的身材看出來更多更澎湃。馮盈盈之後又好似做緊潮流時尚節目般，話畀大家知她嘗試了歐美風格化妝和新髮型，才令大家覺得她有減齡的效果，自己都覺得非常滿意，東姑從傍聽到，仲以為自己睇緊《姊妹淘》。
至於，一同接受陳曉華都唔弱，她被問到早前有網民捕獲到她和緋聞男友朱敏瀚同遊日本，問到是否玩得好開心一事，她就不停帶大家去遊花園，話自己日日都好開心，並強調自己並不是和張振朗、楊偲泳兩對情侶遊日本，是一大班人去旅行，講多幾講，就叫大家睇港姐好過，唔好咁留意佢喎！
最Hit
