更新時間：20:07 2025-03-06
發佈時間：20:07 2025-03-06
發佈時間：20:07 2025-03-06
現年37歲的中葡混血兒古淖文（German），早於2009年已參加亞視舉行的第一屆《亞洲星光大道》而為人熟悉，估唔到相隔15年參加《中年好聲音2》，終於揮低其他大熱奪冠吐氣揚眉，人氣和事業齊齊急升。日前東姑同朋友在銅鑼灣食完晚飯離開時，就巧遇着貼身白Tee的古淖文，他還被老外圍住「打卡」，好受歡迎，German仲幫手揸手機Selfie添，香港的「做多一步好客之道」咪就係咁囉。
「中二生」古淖文今年8月衣錦還鄉，回到出生地澳門，舉行他首個《古淖文I'M HOME演唱會》。因為澳門站既叫好又叫座，所以他繼續添食，早前在香港旺角麥花臣場館舉行香港站演唱會。
與鍾雪瑩陳蕾同框
其實German於2009年參加亞視第一屆《亞洲星光大道》時，已為人熟悉；而當年的冠軍為羅力威，他就獲得第5名及「台風獎」，直至亞視失去電視牌照，他才回澳門發展。早前鍾雪瑩獲得金馬影后後，被網友翻出2010年參加《亞洲星光大道3》的影片，片中驚見鍾雪瑩、German及陳蕾三人同框，不禁令網民驚嘆亞視當年撒下的種子，終於相繼在演藝界發光發熱。
冇托手肘任影唔嬲
日前晚上，東姑同朋友在銅鑼灣食完晚飯離開時，巧遇身穿白Tee、牛仔褲及孭住背囊、手持兩袋東西的German。當時他行經食肆林立的登龍街，期間被數名男女途人「野生捕獲」，並熱情地走上前要求合照，當中的老外更是興奮莫名。而向來親切的German，當然冇托手肘，即時停低之餘，還親自為對方拿手機Selfie，認真識做！香港的「做多一步好客之道」咪就係咁囉。
延伸內容：《中年好聲音2》甄妮批古淖文「油膩誇張精」為譚輝智未能成為冠軍而抱不平
延伸內容：《中年好聲音2》決賽 古淖文勇奪冠軍 譚輝智屈居亞軍顏米羔排第三
延伸內容：宜到寒冷地方發展 古淖文 | 麥玲玲
《東周網》訪談系列節目《星桄伴我心》2月重磅嘉賓：
即睇：七仙羽被鬧神棍 爆喊剖白被欺凌 : 個個都笑我騎呢！
即睇：林盛斌Bob曾當選「我最討厭藝人」冠軍，被踩是垃圾 正能量反省：我做錯咗咩嘢？
即睇：李珊珊罕談舊愛錢嘉樂 剖白患驚恐症瀕死感覺 : 我會活好呢一生!
即睇：朱慧敏第二胎B仔出咗世啦！分享懷胎湊B心得 收蘋果批做結婚周年禮物 又喊又笑講「愛的宣言」
最Hit
