發佈時間：23:16 2025-01-17
小三五索︱大婆捉姦︱直認是富豪馬清鏗小三的KOL「五索」，離地言論令人拳頭硬。如果大婆同小三同場，點算？原來馬場曾發生大婆捉姦，城中富豪施展一招「轉數快」，以「鈔能力」拆彈，化解大婆小三混戰的場面！
東周刊獨家爆料，爆出34歲網紅「五索」鍾睿心（Rachel），原來是和66歲大生銀行主席馬清鏗拍拖9年的小三，並為男方開枝散葉，育有4名子女，由「街市妹」變「山頂豪宅女主人」。小三身份曝光後，「五索」不改高調進擊作風，接受「星桄半我心」訪問時，公開「我一晚可以搞10次」的性生活及自詡床上工夫了得，以及自稱出席富豪局時「成枱有錢佬都𥄫實我呀！」外，更直言「窮人先至落地獄！」「五索」秒變「最強小三」成為全城熱話的同時，有網民在threads爆料，親眼目擊城中某富豪帶小三「五索2.0」入馬場，大婆收風後即撲到現場捉姦！
富豪阿叔拖「𡃁妹」入馬場
該網民聲稱在馬場做兼職，平時見盡不少富豪携眷出席飯局，但有次則見到某富豪帶一位年青「小三」入場，同場的闊太們見狀即向大婆通風報訊。
「有個阿叔夠膽死拖住個𡃁妹嚟食飯，唔知𡃁妹嘅會員身份係佢自己定係阿叔幫佢搞（因為門檻好高而且要referral所以大部份會員都係阿叔阿嬸或富二代）。出得呢啲有Guest list嘅飯局，代表𡃁妹喺阿叔心目中已經有地位，要由小三升職做二奶嗰種feel。在場嘅太太們梗係即刻報串畀阿叔嘅元配啦！」
老公公然帶小三出席飯局，大婆收風後立即到達現場，準備棒打小三，點知結局估你唔到！該網民稱：「飯局未到一半，元配已經出現咗喺reception嗰度，但Guest list冇佢個名，佢半步都入唔到間餐廳。元配就開啟咗潑婦模式，場面非常肉酸。」
「磚頭」贈大婆
「有同事就去通知阿叔，然後阿叔當場拎咗十幾萬現金出嚟，離遠望過去就好似一嚿磚咁。阿叔將嚿磚塞俾個老婆，叫佢有咩事返屋企再傾，元配大人就好安靜咁離開咗。阿叔返到包廂，好似咩事都冇發生咁，馬照跑，大家繼續食飯。」爆料網民稱。
該網民稱富豪用「鈔能力」叫元配收聲返屋企這場面，十分難忘外，更說平時富豪在包廂搞飯局時，會隨身携帶「一盒現金」。貼文公開後引起大批網民熱議，惟因這網民指「富豪阿叔」以「一嚿磚咁」的現金來打發大婆，指是有「十幾萬現金」，即有部份網民質疑「十幾萬點會係一嚿磚」，指「一嚿磚」的話應該是至少100萬外，冇可能大婆收十幾萬就會收聲。隨後該網民回覆，指自己只是「返parttime嘅窮X」：「真係唔知嗰度幾多錢。人生第一次親眼見到咁多現金，識數錢嘅同事目測十幾萬，嚿磚有啡色有金色。」
