發佈時間：16:40 2024-08-31
顧家錫老婆、事業有成、高大靚仔，這個完美老公Package，天下女士誰不愛？但如果完美人夫有着令你難以接受的性癖好，你會否繼續將婚姻進行到底？
在「十萬個惡頂老公的惡行」Facebook私人群組中，近日有一名女網民以匿名方式分享性生活，引起網民熱烈討論，這名匿名女網民的故事，或許令大家深思婚姻和性愛的意義。
匿名女網民自稱現年31歲、結婚大約一年，說前年認識現任老公，並以「近乎完美嘅男人」、「平時對我好到無可挑剔」來形容：「有錢（肯駛錢喺我身上，真係要咩都畀嗰種），超好脾氣，高大靚仔，唔食煙，冇必要唔飲酒，顧家，除咗工作其他時間全部畀晒我，仲要對我屋企人都超好。車樓都有，已經供滿，其他屋企雜費工人嗰啲全部佢搞掂，每個月會畀我父母各一萬生活費，再畀3萬我做零用。」
丈夫坦告性癖
匿名女網民說沒想過自己會「執到寶」：「點解會有咁好嘅男人會冇女人，又會輪到我嘅？」拍拖一個月，「完美老公」坦言相告，稱之前冇一段感情長久，源於其性癖好。「佢話唔想呃我，問我接唔接受到，如果唔得就唔想浪費我時間（當時我哋未有性關係），我聽完佢啲癖好我好震驚，因為問心真係非常變態。」
「完美老公」在求婚當晚再次表明其特殊性需求，講到明：「如果真係接受唔到不如就咁算！」但匿名女網民不想失去眼前條件一百分的男人，最後作出共識：「大家講好每個月2次，其他時間就過正常嘅夫妻生活。」
相關閱讀：賓艾佛力離婚因每周4次被榨乾？標準做愛次數點計？專家公開「性愛次數黃金公式」！
協議每月2次
匿名女網民初時以為可接受丈夫的特殊性癖好，始終身體最誠實，有次她終接受不了，和「完美老公」吵大鑊！「最近一次我真係頂唔順拒絕咗，嗰晚佢發咗好大脾氣，係我識佢以嚟第一次發脾氣，話大家之前明明講好咗。係，係講好咗，但係我覺得自己仲衰過做雞，我相信連雞都未必肯做埋啲咁變態嘅嘢，後尾第二日我都係忍一忍做咗。」
匿名女網民說發文分享，是希望得到意見，她表明不想離婚，又稱曾提議「完美老公」向性治療師尋求幫助，但遭對方一口拒絕：「希望大家唔好淨係鬧我冇口齒，離婚（我冇可能離婚），又或者話應承咗就要繼續嗰啲，希望畀到橋我，等我可以唔駛再受呢啲苦，又或者起碼先減為一個月一次，感謝幫忙。」
匿名女網民初時未有說明特殊性愛的細節，即被網民瘋狂追問，更狠批她貪心及反口覆舌，既想有個完美丈夫但又不肯付出：「都唔知你嘅尺度去到邊，點畀意見？口交、SM、定係要你食排洩物？」、「你做唔到佢想要嘅嘢，咁就唔好浪費人哋時間，你又要貪人錢，又畀唔到想要嘅嘢！」
群情洶湧，最後匿名女網民公開特殊性癖好的內容，網民意見不一。然而，「性癖好」是病嗎？對於性的滿足及需求，的確因人而異，不能以對或錯來形容「性癖好」。不少性治療師均提出，不能只以負面角度去看「性癖好」，如只滿足個人性慾望，未有影響日常生活及社會功能，以及不會為他人造成傷害及困擾下，只屬個人的基本自由。
>>「完美老公」的特殊性癖好是什麼？按圖即睇！<<
