發佈時間：17:55 2023-11-27
林盛斌（Bob）開live，李珊珊驚喜現身！周一（27日）Bob應《東周刊》副社長黃庭桄邀請現身FB直播，分享其快樂人生之道，發放正能量。期間有一名「家庭觀眾」突然來電並希望Bob賜教，原來正是隱世多時的性感女神李珊珊！
以「家庭觀眾」身份出現直播的李珊珊，原來跟Bob素未謀面，只是一直透過對方的社交平台專頁留言交流。李珊珊欣賞Bob，十分驚訝Bob不眠不休的毅力：「我覺得你真係好勁，比同期嘅人勤力一萬倍！」
珊珊：令人開心一秒已經好好！
識英雄重英雄，Bob說在他心目中，李珊珊都是「好勁」之人：「我一直都有留意你嘅動向同狀況，我好想講，如果你覺得我好勵志嘅話，珊珊你都好勵志，畀咗好多motivation、好多能量大家。」珊珊說：「盡點綿力，世界艱難，你都明啦！能夠令人開心一秒都已經係好好嘅事！」
期間珊珊大讚瓣數多多的Bob是企業家，Bob即謙虛的指自己不算是什麼：「全部只係小生意！做我哋呢行，如果單一收入就好大件事，一停就會停，好似疫情時，我至少半年工作係取消或無限期押後，所以我覺得唔可以單靠演藝，要有投資或小生意，哪怕只係小小收入。」
Bob的社交專頁粉絲多多，因他分享的，不單只是食玩瞓的有趣資訊，他和家人的生活點滴，也給網民帶來不少歡樂，而珊珊就是其中一位愛追看的網民：「喺網上有太多負面，但Bob嘅post令人睇到好開心。有時睇佢嘅post已令人開心返，同埋佢嘅信念，佢努力咗十九幾年，佢今日嘅成績唔係僥倖。人哋一星期返五日工，佢好似返咗十幾日咁，不過你要睇住身體，唔好捱壞。」
珊珊稱求偶有十級難度
當珊珊說要跟Bob出來茶聚，又指對方是「金牌媒人」時，Bob即打蛇隨棍上反問要否幫手，說會介紹筍盤，即場詢問珊珊的擇偶條件時，珊珊笑說：「你唔好害佢哋喎！我應該有十級難度喎！啲人揀都揀個後生啲啦！」
BoB即場推翻珊珊的說法：「當然唔係啦！有啲人鍾意成熟、女人味重、有多啲人生智慧，珊珊你千祈唔好咁講，既然你係一個正能量嘅人，頭先你講嘅說話，現實就會發生呢件事，所以唔好咁講！你應該要講：『得！我一定會搵到一個好好、好愛我、好錫我、好識得照顧我、同我一齊好開心嘅男人！』先至得！」
問到珊珊的擇偶要求，珊珊只說：「心地善良最緊要！」Bob笑問：「眼耳口鼻呢？唔需要特別靚仔？」珊珊說：「眼耳口鼻好緊要咩？呢啲（靚仔）唔好呀！遠觀㗎咋！（要有頭髮定冇頭髮？）吓！我冇諗呀，都係地球人啫！總之要地球人，傾到兩句，有普世價值，心地善良、孝順就得㗎嘞！（有錢？）唔使啦！孝順就得㗎嘞！」
Bob笑言把珊珊放在媒人名單首位：「放心！我幫你搞掂佢！我將你放喺priorty list頂位，好快㗎咋！之前有啲好難搞，都畀我搞掂！」珊珊大呼神奇：「堅喎！真係恭喜佢喎！」
四年冇公開露面
1996年港姐冠軍兼為一代性感女神的李珊珊，在2005年開始減低曝光率，同時傳出患抑鬱症等消息，直至2019年她公開剖白原來是患有驚恐症，並以過來人身份，分享抗病經歷，以及勉勵同路人。她曾說：「我諗唔到原因放棄，雖然世界唔美好，但仍然值得奮鬥，所以決定公開私隱！我從來沒懷疑過自己嘅存在感！」同年她更應好友王賢誌邀請，激罕現身慈善音樂會，之後一直未有再公開露面！
珊珊那股堅毅不屈的正能量，成為不少病患者漆黑中的明燈，而她近年積極參與義工工作，並常在報章專欄分享生活點滴外，今年1月曾發文，說要把時間、精神、體力投放在身體上，宣布暫停更新社交平台，直至今年4月開始，以不定期方式更新，本周一激罕隔空現身Bob X《東周刊》的Live訪問，絕對驚喜。
