發佈時間：19:20 2023-10-26
一對愛侶異地相隔，要維持感情已經不容易，如果另一半是控制狂，承受的壓力更是非同小可！日前「巴打絲打愛情區」FB專頁有篇帖文《真係唔想每個月都要影M Come相》，絲打樓主話拍拖之前，男友講明自己「控制慾係有啲勁」，樓主初時以為都是「大男人」之類，所以聽完就算。拍拖之後，樓主開始感受到男友全方位操控，就連食菇都被鬧到狗血淋頭！
「一齊咗之後佢成日管住我，除咗出街講同邊個一齊，放學收工上落巴士返到屋企要講呢啲基本嘢之外，仲會控制埋我飲食，例如唔畀我食薯條同菇，薯條係因為肥，而菇係因為食得多會臭。試過有一次偷偷食咗，佢發哂癲咁話我到底有冇當佢係男朋友，完全無諗過佢！」
直到樓主去英國讀書，控制狂男友的操控監管程度當然升呢，就連私隱都冇！例如朋友在facebook tag樓主，控制狂男友直接留言反鬧對方：「有時人地inbox我/一齊玩tag埋我，佢就覺得我同啲鬼仔玩得好埋，佢會直接replyX佢地，搞到我勁尷尬！」
沒有最誇，只有更誇！控制狂男友為嚴防樓主出軌，竟然提出要她交出衞生巾相，以證明她沒有懷孕！「佢驚我偷食，所以而家要我每個月都影張m come相畀佢，自證清白無大肚，唔係講笑，係真係要影住有M嘅M巾。佢話我肯影佢就夠膽save，佢仲會幫我mark底個period提我。」
樓主更說：「原本long d有時差又lonely已經好辛苦，但佢都會照樣check住我行程，生活變得唔一樣，又要每樣嘢都同佢解釋，有時真係好煩有心無力，但我知其實佢係真心鍾意我，只係用錯方式同無安全感，應該點部署好？」
樓主明顯想跟控制狂男友繼續維持戀人關係，但是不少網民卻持相反意見，以「恐怖情人」來形容，認為應及早斬纜，「早分早享受」！網民留言：「唔分手，有排你受！好彩你人在外國，如果唔係你真係畀佢管到黐咗線！」、「分手啦！咁都要問！」、「分手啦！咁恐怖！恐怖情人都好愛另一半，愛到殺死對方添！」更有網民百思不得其解，認為出示衞生巾相，不代表樓主沒有出軌，笑言不明白當中的邏輯。
