發佈時間：08:46 2023-10-22
本港出生率近年創新低，有消息指鼓勵生育是本周三（25日）發表的《施政報告》重點之一，派錢谷生育，每名嬰兒或有望獲2萬元！但正如之前所說，港人每月「愛愛」平均次數跌至最新的3.1次，行埋已難，更何況造人？資深性教育工作者呂穎恒（Vera），是香港首個女性友善的成人用品性商店Sally Coco的創辦人，盤點12大銷情最暢旺的商品，反映港人的性需求及習慣，排行第1位至第6位係乜？即睇！
第6位 看「門口」之選 有機催情油
好多男士以為自己係加藤鷹化身，好似打碟DJ咁利用指功喪捽狂插，有姿勢冇實際，搞到另一半無癮硬食，話你戇居又怕你嬲！明顯加藤鷹嘅影響力太深遠，變相呢支搽喺陰蒂嘅有機催情油更好賣，為免傷及男方自尊心，以及提高快感，好多女士都會買定支油看「門口」！
第5位 唔做「舉弱男」！情趣震動環
年紀增長，作戰能力相對會減低，呢個豪華級陰莖環，令持久力更強，「we connect」時更可刺激女方陰蒂，一箭雙鵰，大家都滿足。原來好多香港男士都會買震動環，因為自以為唔夠持久，唔想做「舉弱男」！又係AV惹的禍，其實一氣呵成做足粒幾兩粒鐘，純粹剪接效果，「馬拉松」未必令雙方開心，舒服就夠！
第4位 有機潤滑液
做愛時覺得唔舒服，或更年期陰道乾涸，潤滑液大派用場！Vera說以前港人忌諱用潤滑液，因怕傷對方自尊，令對方誤以為技巧差，需要潤滑滑液輔助，但其實人人分泌程度唔同。
第3位 有機潔膚液
保持陰部清潔係重要，但係咪日日都需要用潔膚液？Vera話其實用清水清潔外陰部已足夠，但如果出現外陰痕癢，就可以用潔膚液幫手，回復陰部嘅PH值。
第2位 迷你G點震動器
點解買迷你size？港女鍾情小「器」男？迷你G點震動器專為初次使用性玩具自我探索嘅女生而設，模仿手指，質感柔軟，容易置入同按摩G點位置。大受歡迎嘅原因，除咗小巧可愛外，更反映原來好多女仔都會有「置入好痛」嘅諗法，所以連買性玩具都選擇小巧型。Vera話最深刻，係有位媽媽送咗呢支震動器畀囡囡做18歲生日禮物，因囡囡去外國讀書，開始有自己嘅空間，就算使用時，都唔怕被roommate發現。
第1位 吸吮震動器
德國製造，透過磁波技術震動陰蒂敏感地帶，就算用最強震度，超級安靜！吸吮震動器長年銷售no.1，大受港男港女歡迎，因為：快、靚、正！女士認為可以喺短時間達到極致興奮狀態，男士認為前戲越快完成，越快進入戲肉！
別當AV是性教育！
日本AV可說是港人的另類性教育堂，不少港男從中取經以增進技巧，Vera說AV給大家對性有好多謬誤，Vera說：「AV好多都係假！例如做愛時超級持久、AV女優嘅陰唇好粉嫩對稱，呢啲全部都係做出嚟、可以化妝化出嚟！唔好以為AV入便嘅嘢，就係人類嘅golden standard！陰唇好似手指模咁，人人唔同！」
同伴侶食餐飯睇場戲，都會商量傾幾句，更何況是性行為！Vera說：「所有性行為都要有共識！無論你同對方嘅關係係去到咩程度都好，包括性交方式姿勢、可以觸摸嘅部位等等，都要尊重對方嘅身體界線。每一個人都有性幻想，你可以幫人實踐性幻想，但要喺你鍾意同舒服嘅情況下進行。性愛係冇完結！當你進入一段關係，就係你下一次走上床之前嘅前戲。」
港女壓力大，要靚要叻，又要身材好！胸大腰幼腿長，已普遍成為完美指標，不少港女對身材冇自信，Vera說：「大部份廣告都係叫你瘦身、豐胸、V面，當你見身材唔夠標準，想改變時，就係出現焦慮嘅時候。當引發到你去改變時，係源自於你討厭自己嘅身體？抑或係你喜歡自己嘅身體，但只係想做啲嘢令身體更好？」
