發佈時間：08:45 2023-10-22
相愛很難，做愛更難！家計會最新調查指出，港人「愛愛」次數大幅下滑，每月平均3.1次，分分鐘搵腳開枱仲易過「開波」！是因為有心無力的「舉弱男」一街都係？伴侶難求？還是情願自求多福？調查數字未必真正反映港人的性需求。
呂穎恒（Vera）是資深性教育工作者，也是香港首個女性友善的成人用品性商店Sally Coco的創辦人，開業至今逾12年，見證港人對性有不同看法，她為東周網盤點12大銷情最暢旺的商品，透過用家的喜愛度，從而反映港人的性需求及習慣！第7位至第12位係乜？即睇！
第12位 兒童性教育書籍
「你係石頭爆出嚟！」相信呢句說話大家聽得多，甚至做小學雞時，一定試過「男一邊女一邊」分開男女同學各自上半粒鐘性教育堂，女同學仲有包衞生巾袋住走！香港性教育貧乏，令更多家長意識要着手親自教，原來唔少家長買情趣用品時，都會買關於性教育嘅書籍，方便同仔女談情說性。
Vera說：「最理想係由小朋友出生開始進行性教育，因為性教育唔只係講性行為，係教育小朋友點樣互相尊重身體同界線、一對couple之間嘅power dynamic、性行為安全知識等，令佢哋知道，唔一定要做say Yes嘅人，先至得到對方嘅喜愛。發生性暴力事件時，好多時大家會覺得受害人點解唔會講『唔好』、唔踢走對方，但係你有冇諗過，一個小朋友由細到大習慣服從，去到咁關鍵時候，你會期佢嗰一刻講『唔好！』？」
第11位 按摩油蠟燭
滴蠟？SM？唔通人人都滴蠟玩SM？咪咁out啦！按摩油蠟燭溶化後成為低溫按摩油。呢款按摩油特別受歡迎，Vera說：「代表大家好想有好多親密感同身體接觸，但日常生活中，尤其是華人社會，好少攬錫。」
第10位 Desire Gummies
大大隻字寫住「Desire」，即係一食就變咗「官人我要」嘅催情糖？錯！係專為女性而設嘅補充品，平時面對工作、家庭壓力，身心俱疲，性趣自然減，軟糖嘅作用主要減輕壓力焦慮，提高同喚醒性慾，重新同另一半「we connect」。要有mood，唔係齋坐就會嚟！
第9位 古惑花灑頭Womanizer wave
又是土地問題！同家人甚至另一半同住，總想有私人空間自我歡愉，搵勻全屋，應該只有洗手間係最私密。沖涼自慰最common，花灑頭更是不少人人生中第一個性玩具，調查發現60%女性曾經或仍然用花灑頭自慰。
Womanizer wave表面上係同德國浴室用品商研發嘅頂級花灑頭，更係可以按摩同刺激陰蒂嘅花灑頭，勁過古惑的槍！問你怕未？花灑頭有唔同嘅射流同震動感，想「細水長流」、「浪奔浪流」又或「大海無量」嘅high爆感覺，悉隨尊便。由於外觀同一般花灑頭無異，即係阿爸阿媽阿哥家姐用嚟沖涼洗頭按摩，你就可以公器「私」用，爽！Vera笑說：「終於有個玩具，係全家人可以用！
第8位 遠水救近火 智能遙控震蛋
在疫情時特別好賣！同另一半相隔異地，就算玩phone sex，遠水都不能救近火！呢款遠逆端智能遙控震蛋可以幫「手」，「征服」另一半，利用手機控制震動強度，給遠方的她「讓我一次震個夠」！勝在震動力強夠靜音，室外室內點玩都得，靜雞雞無人知。無論身處地球任何角落，一個北極，一個南極，都可以用到，唯一缺點，如果你另一半上到太空，sorry，幫你唔到。
第7位 女人公敵 吸吮按摩器
呢個吸吮按摩器，比你老婆女友仲了解你，因為係針對刺激包皮繫帶敏感帶而設計。有真實用家食咗黯然叉燒飯咁，幾乎眼泛淚光，話每個男人都值得擁用，真心推介！
見到按摩器個窿窿，或者你會話：「我巨龍托世喎！」矽膠質料有彈性嘅，唔使擔心！作為龍的傳人，不如擔心係咪得「三分鐘放縱」好過！因為只係撳個掣，按摩器好似真人咁溫柔吸吮，加上有8款震動模式，隨時失守放煙花！補充，巨龍後人應該唔喺香港！據統計，港男陰莖平均長度是11.19厘米，排名尾六，厄瓜多爾男士以17.61厘米領先，全球第一！
港人對性仍有謬誤
Vera說在過去十多年的生意經營中，是見證了港人對性的態度由保守變得開放：「睇客人入嚟鋪頭嘅態度就知，由以前行入嚟時戴晒黑超同帽，唔敢畀人見到，直到而家係大大方方好似行街咁，甚至同姐妹兄弟入嚟，對性商品嘅態度係唔同咗。但港人對性依然有好多謬誤同埋假設，甚至以為同另一半係唔需要溝通，認為性係與生俱來，認為大家相愛，應該都明，唔需要講，就係呢啲框框令大家好辛苦。」
「如果你想去情趣用品店，尤其係好似我哋呢類性正向情趣用品店，希望大家抱住一個開放、好奇嘅心，有啲人有既定嘅想法，認為女人買某啲嘢就得，自己買個千幾蚊嘅飛機杯就冇問題，完全係男尊女卑嘅dynamic。」Vera說。
情趣用品非風水陣
情趣用品，有助提升伴侶間的性趣，但Vera說很多人以為情趣用品是萬能，包括解決感情問題：「情趣內衣或性玩具，都唔係一個風水陣，唔會買咗返嚟，令性生活風生水起，最重要係雙方嘅溝通。好多人嚟買嘢，係諗住挽回婚姻，以為買震動器，話畀男友聽自己有高潮，就唔會嫌棄自己，其實呢啲係冇自信嘅表現，以為做某啲嘢，對方就會留低。其實唔係咁樣，你要接納自己、接納段關係係咩情況，唔好當性玩具係magic potion，可以改變關係。」
Vera說現在仍有很多人以為，伴侶有性玩具如「飛機杯」，是代表自己技巧不濟。「自慰同做愛，唔係必然嘅互相取代關係。自慰，係滿足自己幻想，係自己嘅me-time。做愛，係同另一半連結嘅親蜜時刻。好多研究顯示，對性生活滿意度越高，自慰次數會越頻繁，因為代表佢對性嘅正向好多，所以自慰係無辜！」
