更新時間：18:24 2025-05-21
發佈時間：18:24 2025-05-21
發佈時間：18:24 2025-05-21
衛詩雅Michelle早前憑《破 ‧ 地獄》大熱勇奪香港金像獎最佳女主角殊榮，並與醫生男友步入婚姻殿堂，成為幸福人妻，於愛情及事業兩方面都踏入全新階段。而適逢「520愛情日」，Michelle帶隊來到香港最新的打卡浪漫景點，並向大家分享她於結婚當天的回憶以及頭紗對她的特別意義，即睇詳情。
衛詩雅推介最新浪漫打卡景點
衛詩雅適逢「520愛情日」，特意推介情侶們與及單身人士前往位於將軍澳婚禮花園的最新打卡浪漫景點：「呢個咁高咁大型裝置叫做《織。愛》，聽個名都感受到當中嘅浪漫。你哋睇唔睇得出佢係咩？其實係一個放大版嘅飄逸婚紗頭紗！拍緊拖嘅同另一半嚟打卡，可能會有想結婚嘅感覺，而且呢度就有香港最新嘅婚姻登記處！單身嘅朋友都可以嚟，因為嚟得呢度嘅都想追求愛情，隨時識到另一半。成個裝置係亞洲第一個使用3D全金屬打印技術建成嘅大型戶外建築作品，講個數字畀大家知，入面係由1312個心心組成，代表一心一意。再加埋你同另一半，就有1314個心心，係一生一世呀。記住呢兩個愛情『蜜』碼，無論係求愛定求婚都有用。成功咗記得話我知，畀返封媒人利是俾我。」
頭紗對衛詩雅別具意義
Michelle亦分享她結婚當日的一些窩心回憶：「望住呢個裝置令我回想起結婚當日，爸爸為我披上頭紗，再到老公為我揭開頭紗，成個過程就好似係由我出生以來一直陪伴自己嘅家人，一直照顧自己直到我揾到另一半同佢一齊揭開全新階段，係一種非語言嘅承諾，同結婚誓詞一樣咁深刻，所以頭紗對我嚟講真係別具意義。」
親身示範私心最美打卡角度
Michelle於《織。愛》所拍攝的打卡片段現已上載至自己的社交平台，為大家親身示範私心最美打卡角度與構圖：「婚後一直都好忙，其實好想同老公再影多輯靚靚嘅結婚相，我諗住捉埋老公一齊嚟打吓卡，預祝定我哋度蜜月！歡迎大家跟住玩跟住拍，再tag返我！祝大家都甜甜蜜蜜。」
最Hit
