發佈時間：12:45 2026-04-01
得罪貓咪後果可大可小，昨日晚上就有一名居住嘉亨灣的貓奴才因為不回家而遭到貓咪報復，出動生化武器，鄰居報警，有消防員及警員到場，懷疑有氣體洩漏。最後查清楚發現是貓咪在近門口位置排泄，異味傳出走廊，引起鄰居擔心於是報警。事主今早凌晨在threads發帖交代事件，網民熱烈回覆，這都是奴才的錯。
小虎惹的禍
一位threads帳號szeewing311的帖主今日4月1日凌晨發帖說：
「話說溫溫下書冇啦啦收到媽message
圖一再加句『小虎惹禍』。嚇到我pk 心諗唔通小虎出事定屋企燒咗，即刻問我媽咩事。
媽指隔籬屋報警，話我哋屋企好臭，佢哋好驚要即刻報警。我喺出邊食緊飯，嚇死，我以為屋企燒咗，其實呢下我已經大概估到咩事，原來係小虎屙屎呀！
小虎係門口屙左兩篤屎！
出動咗兩架消防車一架救傷車10幾個消防員，你話好笑，都好笑嘅一場烏龍。
返返下工，收到電話趕去現場，以為開門會見到屍體或者起火，點知得，屎同埋一隻貓，真係辛苦晒佢哋了。」
帖主更將與母親的對話截圖，並加說明：「小虎惹禍，原來屙左係屋企」
「隔離屋：oh shit」
此宗事件引來網民熱烈回應：
「隔籬鄰居會唔會誇張咗」
「我想講我同你同座，住樓上，搭車返嚟見到樓下有兩架消防車，上去問管理員話唔方便話我哋聽咩事，淨係話有異味，講到好隱晦咁。跟住我應該同你媽咪搭同一架lift，到你個層一開lift勁多警察同埋消防員，嚇死！
緣份大數據推咗你俾我，故事嘅結局，原來係屎味」
帖主回覆：「我媽咪個樣應該係幾驚慌㗎乏」
其他網民繼續熱裂回應：「小虎同你隔籬屋都不得了」
帖主回覆：「冇諗過小虎嘅屎真係生化武器」
「認真覆一覆你，你鄰居係擺到明玩
嘢，你哋小心啲要好好保護小貓咪」
「真係第一次聽聞貓屎會搞到人哋要核突報警」
「隔離屋：oh shit」
帖主亦在帖文中，貼出生化武器元兇的照片──小虎，似是銀虎美短或英短，樣子霸氣，目露兇光，及一段消防員及警方入屋調查的短片，消防員及警員在單位內要求她媽媽打開衣櫃門檢查，尋找異味來源，有救援人員說「原來屙咗響屋企門口，嘩！好大隻。」她媽媽向救援人員解釋：「可能尋晚無返屋企，佢發脾氣。」
警方列作投訴
由於貼文發出時間為4月1日凌晨，正是愚人節，雖然圖文並茂講到似層層，但有機會是搞笑文。本刊向警方查詢是否確有其事，警方就事件回覆東周刊，指於3月31日晚上9時57分接獲報案，指北角嘉亨灣一個單位傳出異味。救援人員到場調查後，證實氣味來自單位內的貓隻排洩物。事件由「異味發現」改列為「投訴」處理。
資料/圖片及影片截圖來源：szeewing311@threads
