更新時間：08:05 2026-09-12
發佈時間：08:05 2026-09-12
發佈時間：08:05 2026-09-12
各位貓奴狗奴注意！深圳有個超高質嘅「毛孩專屬展覽」，唔單止有得睇仲有得玩，仲可以體驗用貓貓狗狗嘅視角睇視角！最緊要係免費入場，周末快啲約埋朋友上深圳打卡啦！
深圳博物館呢個「寵·愛--貓貓狗狗的世界」展現場展出近百件歷代貓狗文物，當中啲漢代、唐代陶狗表情勁盞鬼，直頭係古代版meme圖，睇見都忍唔住笑！仲有宋代「孩兒枕」同款嘅瓷貓，千年前嘅主子一樣咁治癒。
打卡必去
最驚喜係展覽引入咗法國原版嘅貓犬視角互動體驗！戴上頭套就可以瞬間切換到「貓咪視角」睇世界，呢個體驗香港真係好少見。打卡位首選一定係嗰個超巨型毛茸茸貓竇，成個人企入去影相出嚟效果勁夢幻！最後記得去埋塊「人寵撞樣」打卡牆，影出嚟嘅9宮格絕對出片。
地點：深圳博物館歷史民俗館(福田金田路)
交通：深圳地鐵2/4號線「市民中心」站C出口，步行約5分鐘
人均：完全免費！免預約，直接帶回鄉證刷證入場即可
展期：即日起至10月8日(逢星期一閉館)
小貼士：
館內冷氣極勁，怕凍嘅朋友記得帶件薄外套
留意係「金田路館」，千祈唔好去錯同心路館呀！
最Hit
