發佈時間：19:48 2023-10-13
迪士尼萬聖節派對「Disney Halloween Time」以大反派《黑白魔后》的庫伊拉為首，帶領所有迪士尼反派角色全軍上陣盡情「惡」搞，滿布惡人勢力！去年在香港男子400米中排名第一、有「港隊飛人」之稱的KINGSUM（姚敬琛），和同門ACE娛樂師姐Lenna T親自面對邪惡勢力，笑言學習做惡人之外，KINGSUM竟然夠膽向《白雪公主》的邪惡皇后正面挑機！
去迪士尼做足準備！KINGSUM為去迪士尼萬聖節派對，特意仿效至愛的迪士尼人物《怪誕城之夜》的主角阿Jack，一身黑白色打扮。Lenna T見園內的商店有琳琅滿目的萬聖節主題服裝和配飾，包括迪士尼惡人主題頭箍、惡人服裝、《怪誕城之夜》紋身貼紙、發光頸鏈等，即場選購《怪》的燈泡頸飾給KINGSUM，自己又買了黑色頭箍以添霸氣。雖然派對是「惡人當道」，KINGSUM和Lenna T異口同聲的說有四大好玩爆fun的Checkpoint，絕對適合相約心儀的對象去玩！
Checkpoint 1 野生捕獲限定惡人
園區內隨時出現迪士尼惡人，包括《仙履奇緣》邪惡後母杜明尼夫人等，KINGSUM和Lenna T遇上的是《白雪公主》中的邪惡皇后，獲對方教路擺甫士。邪惡皇后一直自以為全宇宙最索，但KINGSUM竟挑機，說自己比她更靚，她即不可置信，露出「憎」面目，即叫KINGSUM一起照魔鏡！
KINGSUM：「唔只係合照咁簡單，仲可以同邪惡皇后有互動。追女仔嘅話，話佢靚過邪惡皇后，掂呀！」
Checkpoint 2 「惡人大宅舞會」
「惡人大宅舞會」是整個迪士尼萬聖節派對中，絕不能錯過的歌舞表演！舞會開始前，門外有DJ打碟先炒熱氣氛熱身，旁邊售賣以血包設計的「夜光血包」特飲，超搞笑又配合氣氛。舞會場內播放勁爆音樂，可在多個迪士尼惡人主題布置打卡位，包括《愛麗絲夢遊仙境》的紅心皇后、《大力士》的凱帝斯、《小魚仙》的烏蘇拉、《睡公主》的黑魔后等，如擺最惡甫士，駐場攝影師會拍攝作為時尚雜誌封面！
舞會開始後，時尚女魔頭庫伊拉，率領迪士尼惡人朋友勁歌狂舞外，原來會選擇場內打扮最型最潮的賓客。KINGSUM和Lenna T被選中上台，和一眾惡人行catwalk！
Lenna T：「呢個舞會超好玩，血包特飲已經夠特色，舞會氣氛好high，估唔到自己被揀上台，喺庫伊拉面前行catwalk。」
KINGSUM：「舞會入面好多惡人布置打卡位，設計好靚，同女仔嚟絕對啱晒，如果一齊被欽點上台行catwalk，絕對難忘！仲加晒分！去之前可以約定對方話一齊扮靚啲着埋情侶裝，隨時被揀中上台。咁好嘅藉口，唔係唔用嘛？」
Checkpoint 3 米奇Halloween玩轉大街派對
「米奇Halloween 玩轉大街派對」是每年令人最期待的節目之一，因迪士尼好友們全換上全新萬聖節限定裝束現身，就連Duffy、ShellieMay、Gelatoni及LinaBell也以「南瓜裝」登場，巨型南瓜造型花車更是焦點！至於歌舞匯演「惡人舞動迪士尼」，集合《睡公主》的黑魔后，《小魚仙》的海女巫烏蘇拉、《公主與青蛙》的霍博士、《美女與野獸》的加斯頓、《魔髮奇緣》的嘉芙夫人，和迪士尼惡人載歌載舞，盡收視聽之娛！
KINGSUM：「入迪士尼點可以唔睇parade？迪士尼人物全部換晒Halloween造型，非常可愛，越睇越開心。同女仔嚟睇更加開心，如果好曬嘅話，當然乘機擔埋遮一齊睇，距離又近啲，又夠gentleman！」
Lenna T：「歌舞匯演嘅燈光等舞台效果好出色，每個惡人嘅衫同造型都好靚，所以越睇反而越覺得佢哋其實唔係咁惡，哈！」
Checkpoint 4「驚」喜版阿Jack怪誕大餐
玩要出色，食都要招積！園內有多款造型驚喜的邪惡美食要朝聖！KINGSUM和Lenna T在美國小鎮大街欣賞花車巡遊後，即品嘗小鎮雪糕店的西班牙特濃朱古力配北海道牛乳5.0軟雪糕，雪糕造型夠特別，附有鮮艷紅唇！至於迪士尼河景餐廳更有南瓜王阿Jack的怪誕大餐、科學怪人最愛的迷魂湯等，用餐期間阿Jack、莎莉及Oogie Boogie更會隨時現身，即席表演歌舞！
KINGSUM：「個雪糕絕對贏晒，如果追女仔，可以趁機同對方講：『我未得到你嘅kiss，我kiss住呢個雪糕紅唇先。』哈哈！」
