更新時間：16:03 2023-09-29
發佈時間：16:03 2023-09-29
發佈時間：16:03 2023-09-29
又到中秋，一年難得一次人月兩團圓，少不免要食大餐嘆月餅，中秋節食月餅習俗由來以久，時至今日月餅口味已經係五花八門，到底點食先健康？本身係港大食物及營養學系畢業，近年又再重返校園修讀食品管理學碩士課程嘅馮盈盈最近就於IG分享四大貼士，教大家點過一個盡興又健康嘅中秋！
1. 買之前記得睇營養標籤:
最好揀選每100克月餅，總脂肪量少於20克，糖分就要少於15克嘅月餅。香港衞生防護中心建議，以每日攝取2000千卡嘅人為例，每日糖分攝取量應低於50克，好多品牌嘅月餅25克(約1/4件月餅)已經有成15克糖,糖分佔建議攝入上限已經達三成！
現今月餅種類繁多，低糖選擇都有唔少！
2. 聚餐前後特別安排:
安排運動訓練在中秋節或聚餐前後，聚餐以外嘅飲食都儘量保持清淡。因為運動訓練可以消耗肌肉中嘅肝糖，後續進餐攝入嘅澱粉就大部分會用以修復補充，轉為肝糖重新儲存喺肌肉入邊，較唔容易變成脂肪堆積。
十分注重健康嘅馮盈盈，經常都做運動保持身心健康。(馮盈盈IG)
3. 適當飲食搭配:
品嚐月餅同時可配合新鮮水果享用，增加飽腹感；亦可配搭熱茶，幫助消滯解膩。
水果富含膳食纖維、可以增加飽足感。
4. 量力而為,適可而止:
月餅是應節小食而非正餐，最重要還是適可而止。
最Hit
