更新時間：18:04 2023-09-20
發佈時間：18:04 2023-09-20
發佈時間：18:04 2023-09-20
東周刊特派試食專員Wendy、Beatrice又出馬啦！今次專員同歌手謝高晉介紹嘅，係喺銅鑼灣V Point嘅火鍋店「醉鍋」！有乜咁特別？特別在可以打住邊爐，一嘗「肉蒲團」滋味！
點樣「肉蒲團」？原來招牌火鍋玫瑰鍋，又名「肉蒲團」，特別在濃豬骨湯底，加咗白色蛋白泡，香滑軟綿，仲有主角玫瑰花瓣，好睇又好食，鍋中間仲有木瓜大海蝦，圍邊更有玫瑰花造型嘅牛肉卷，三款肉丸同餃子，只係睇巳經令人食指大動。
玫瑰鍋充滿氣派，想試這個鍋的話，需要提早一天預訂才可。
另一推介就係「醉火入鍋」！呢個招牌五格火鍋，有五個湯底，分別係木瓜鍋配海蝦，蕃茄波士頓龍蝦鍋，清湯蘿蔔牛腩鍋，四川麻辣鍋及馬來肉骨茶鍋，一次過滿足五種口味。例如木瓜鍋，木瓜湯底鮮甜，加入咗少少紹興酒，上枱已經有陣陣酒香！食呢個鍋都好有儀式感，因為會先用玫瑰露喺湯底點火，嚟個「火鍋版」幻彩詠香江！
香港原創醉火入鍋一鍋五味，點可以錯過。
如果鍾意飲湯嘅朋友，佛跳牆鍋就係必食之選，熬製咗五個鐘，厚身又大片嘅花膠，粗身嘅魚翅，大大隻鮑魚等高貴食材相當入味！超級好食，滿滿嘅骨膠原，飲個湯都值回票價！至於補骨膠原都有另一選擇，就係石斛桃膠烏雞美白湯，尤其石斛對熬夜嘅朋友好有益，明目去肝火補身，試問集滋補養顏於一身嘅湯底，你點可以唔試！
飲湯控唔可以錯過嘅佛跳牆鍋，温馨提示，想試這個鍋的話，需要提早一天預訂才可。
一鍋滿滿嘅骨膠原，點可以唔試。
如果鍾意飲湯嘅朋友，佛跳牆鍋就係必食之選，熬製咗五個鐘，厚身又大片嘅花膠，粗身嘅魚翅，大大隻鮑魚等高貴食材相當入味！超級好食，滿滿嘅骨膠原，飲個湯都值回票價！至於補骨膠原都有另一選擇，就係石斛桃膠烏雞美白湯，尤其石斛對熬夜嘅朋友好有益，明目去肝火補身，試問集滋補養顏於一身嘅湯底，你點可以唔試！
餐廳資料：
醉鍋(V Point)
銅鑼灣登龍街18號V Point 27樓
攝影師：Derekque
最Hit
