澳洲旅遊專家幫你plan行程! Come and say G'day !
更新時間:07:02 2023-09-15
發佈時間:07:02 2023-09-15

   疫情困住咗三年,短程星馬泰日韓又玩厭晒,係咪心郁郁想走返個長線,玩過夠本?石屎森林,動物園太一式一樣睇到厭晒,或者傳聞中「人類最後涉足既一片淨土大陸」- 澳洲,值得一試。難得請個大假驚plan 得唔好影響感受?唔知澳洲到底何方神聖?小編就率先去咗位於北角匯一期嘅 「澳洲體驗館」為大家搶先體驗一下。

   行到北角匯一期附近,已經見到可愛既澳大利亞旅遊品牌大使袋鼠Ruby係戶外大屏上跳躍穿梭,比心心,邀請市民入去探下佢,真係隔著個mon 都感受到澳洲風土人情係幾咁熱情好客,行入商場轉個彎,已經見到巨型1:1 Ruby企係充滿還原澳洲元素嘅裝飾前面迎賓,準備同你地熱情打卡。

連澳洲領事都親身落場同Ruby歡迎我哋,你就知澳洲人有幾熱情貼地啦!
連澳洲領事都親身落場同Ruby歡迎我哋,你就知澳洲人有幾熱情貼地啦!
巨型1:1 Ruby
巨型1:1 Ruby


打完卡,就可以即場欣賞澳洲旅遊局出品嘅9分鐘動畫微電影《G’day 》,以Ruby同Louie嘅視角環遊澳洲,澳洲國家級公園嗰種大自然嘅宏偉壯麗透過螢幕映入眼簾,真係有股衝動即刻拎哂啲假去親身體驗一下!影相睇戲之餘,千祈要留意現場免費派發嘅8款紀念明信片,唔好錯過出發之前好好望梅止渴既機會。未出發,Keep 住興奮好緊要㗎。行上一層,仲有一個更大型嘅拍攝區展出一系列、由澳洲拎過嘅植物同昆蟲模型。大家喺兩大打卡位打完卡開心share 同時要記得hashtag返#Comeandsaygday 同 _#HarbourNorth,即場可以拎到一隻20 厘米高嘅毛公仔,每日20隻,先到先得,送完即止!

 

微電影《G’day 》拎過洛杉磯國際電影節最佳短片大獎
微電影《G’day 》拎過洛杉磯國際電影節最佳短片大獎
多款有關澳洲既紀念品
多款有關澳洲既紀念品
2樓拍攝區
2樓拍攝區

最後小編友情提示:展期內嘅四個星期六、日,澳洲旅遊局都會派澳洲旅遊專家在場,介紹澳洲旅遊資訊!想去澳洲親親大自然放個大假仲有咩疑慮,趁週末得閒快啲解決埋佢啦!Come and say G'day!