發佈時間：10:24 2025-02-11
現年30歲的黎寬怡，近年晉身為「東張女神」，因拼搏追訪垃圾屋、無牌女中醫、天光墟黑心地攤等，而令人留下深刻印象。
近日，黎寬怡就宣布封盤，將於今個月跟拍拖9年的男友Sing結婚。由於婚期在即，兩人現正忙於籌備，日前還結伴到酒店開會及試菜，相當甜蜜。對於即將成為人妻，她掩不住開心的說︰「佢好恨娶我，我都好恨嫁！」
追訪垃圾屋、無牌女中醫 晉身為「東張女神」
參選2017年度香港小姐，僅獲面試機會而沒有入圍的黎寬怡（貓仔），銳意在這一行發展，於是同年投考第29期藝員訓練班，畢業後便簽約成為無綫的「親生女」。2018年，黎寬怡加入《東張西望》，擔任其中一位外景主持，因拼搏追訪垃圾屋、無牌女中醫、天光墟黑心地攤等，而令人留下深刻印象，更晉身為「東張女神」！
日前，貓仔在社交平台大晒過大禮的儀式，並公布將於今個月跟相戀9年的攝影師男友Sing結婚，正式封盤。兩人於讀大專時相識，由一大班朋友一起玩，慢慢變成兩個人去睇戲。她憶說︰「大家讀唔同學系，當時我哋各自回復單身，初時都互當係水泡，想走出失戀嘅陰霾，最終由玩玩吓變成認真。」
貓仔對男友讚不絕口
兩人輾轉已相戀近9年，不僅感情穩定，雙方還早已見家長，更認定對方。貓仔對男友讚不絕口：「佢外形正、好照顧別人感受、唔計較、有上進心，又會煮嘢俾我食。而喺疫情期間，佢又去車房工作搵錢，好有毅力。」
其實，貓仔於兩年前已獲Sing求婚，但她自覺事業未夠踏實，直至去年才覺得是時候了，遂主動作出暗示，結果男友出奇不意地在她生日前作出驚喜，她笑言︰「佢好恨娶我，我亦好恨嫁。當日，佢約我去佢工作室，原來當時已經有成17個朋友匿喺度，佢突然熄燈，我仲以為有鬼，跟住佢播咗段片，內裏講咗好多嘢，我感動到喊足成8分鐘。」
將為人妻 貓仔學做廚娘
去年10月底，兩人已經開始籌備婚禮，因結婚是一生人一次，貓仔當然想盡善盡美；可是想法跟未婚夫Sing難免有些差異，故在過程中多了一些爭拗。她不諱言︰「佢平時好少駁嘴，但搞婚禮就瘋狂鬧交，因為男人要求簡單，但我重視細節，品味又唔一樣，乜都問佢意見，好似我覺得要送小禮物回禮，但佢覺得唔使，咁又會有紛爭，結果就鬧住做，佢埋單囉。」
一對新人原想婚事從簡，然而因為雙方家人都是教友，所以一定要在教堂行禮，待禮成便舉行婚後派對，晚上再到酒店設婚宴。不過，由於諗法越來越多，故貓仔還是找來婚禮統籌幫忙。至今婚期越來越逼近，雖然貓仔已完成影婚紗相、過大禮，但還有不少瑣碎事仍未搞妥。日前，她便孖住老公仔到酒店睇場、開會及試菜。
準新人餐廳試菜 情不自禁從後攬攬
當晚，貓仔先到婚宴會場參觀，繼而坐低跟婚禮統籌和酒店人員開會，聽取各事項的進度。接着，一對準新人便前往餐廳試菜；期間，貓仔情不自禁從後攬實Sing，兩人一邊行一邊咬耳仔，非常甜蜜。當她見到周遭環境優美，便大擺甫士，任由Sing替她影相留倩影。在試菜時，Sing就體貼地餵貓仔進食，他們又互相交流食後感，並寫低評語。
即將成為人妻的貓仔，對新生活十分期待：「愛巢方面，我哋會先租後買，享受二人世界先，我會繼續工作，但生仔就未有共識。老公婚後，要俾晒啲錢我，佢仲要煮飯，因為佢整烤雞好味！」而Sing對老婆仔就僅得一個要求，「想佢學煮嘢，只要佢肯煮，我咩都肯食。」鎖住男人的心，先鎖住他的胃，貓仔要努力學做廚娘啦！
延伸內容 : 34D梁敏巧夾死蟻率東張女神峰殺紅地氈！港姐急組長腿黨陳楨怡43吋筷子腳夾攻
延伸內容 : 羅天宇秘訪陳懿德香閨 情到濃時暗角「咿唈」
延伸內容 : 直擊「東張女神」鄧凱文 貼地狂掃3折衫
