發佈時間：20:28 2025-02-07
英皇娛樂昨晚（6日）舉行新春團拜晚宴，集團主席楊受成博士和霍汶希（Mani），與旗下包括泳兒（Vincy）、海兒（Hedy）、歐陽震華、周家怡和溫碧霞（Irene）等近20位藝人一齊賀年慶祝。楊受成希望藝人們食得開心、飲得開心、玩得開心和唱歌唱得開心，由於由英皇開拍的電影《破•地獄》大收1億6千多萬票房，老闆楊博士更特別安排抽獎環節，最後祝願大家蛇年進步、身體健康！
英皇近20位藝人賀蛇年
昨晚出席藝人除了泳兒、海兒、歐陽震華、周家怡和溫碧霞外，還有陳國邦、楊天宇（Angus）、曾傲棐（Arvin）、艾妮（Elly）、洪助昇（Aiden）、黎展峯（Andy）、黃明德（Dark）、阮雅（Bonnie）、黎峻（Kenneth）、朱天（Justin）和女團VIVA，加上有霍汶希（Mani）助陣，場面十分熱鬧！一眾同門藝人難得相聚，大家都把握機會合照，
楊受成舉行抽獎起哄
老闆楊博士除了希望藝人們食得開心、飲得開心、玩得開心和唱歌唱得開心外，因去年由英皇電影開拍的《破•地獄》大收1億6千多萬票房，成為香港史上最強電影，所以楊老闆更即場舉行抽獎環節，令全場哄動！
歐陽震華首參加團拜
去年才簽約英皇娛樂的歐陽震華，首次參加公司的新春團拜，他說：「好開心，因為我好多年冇參與類似嘅活動，以前喺TVB好似冇呢個環節，團拜就有，但一齊食飯就冇。」歐陽震華指最興奮的是入了新公司後，做了一些他從沒做過的事，「第一年入公司，舊年6月開始到𠵱家過咗半年，我覺得呢半年好刺激，刺激嘅係我做咗啲以前咁多年都冇做過、或者冇人搵我做過、甚至係自己冇諗過我會做到嘅事。」
《聲生不息》新嘗試
歐陽震華口中所說的，是參與了內地歌唱節目《聲生不息》，他續說：「初初我都覺得好似唔係好關我事，呢個節目唱歌嘅個個都係樂壇天花板，但公司話關我事，因為嗰一集係講港劇主題曲，所以好適合我呢個身份上去，因為我實在拍太多港劇喇！」他坦言當時十分緊張，「我怕失禮公司、失禮香港演員。一唱完我問公司同事有冇走音，佢哋話冇，我唱歌冇乜嘢技巧，只係真心去演繹一首歌畀觀眾聽。」至於蛇年願望，歐陽震華說：「希望大家都身體健康，日日都開開心心，最重要係冇疾病、冇戰爭。」
泳兒用無糖可樂祝酒宣傳
而今次領軍當起大師姐的泳兒說：「我今年比較主動，即刻衝出去派利是，同埋我屬狗，今年行運，哈哈！」日前推出新歌《無糖可樂》的Vincy，在團拜晚宴上全程用「無糖可樂」去祝酒，趁機宣傳新歌，非常醒目！
延伸內容： 《破·地獄》票房衝破6千萬 全新海報劇照展揭幕 許冠文稱電影真正為香港破地獄
延伸內容：關智斌衛詩雅組「快閃夫妻」為品牌宣傳 老闆楊受成送重磅大禮賀聖誕
延伸內容：聲生不息4︱ 歐陽震華與容祖兒陳小春合唱 大晒港普自揭靚女演員搵他拍檔真相
