發佈時間：17:47 2025-01-21
古天樂與網絡紅人混血肥仔再度攜手合作，以《古生 x Uber Taxi 解圍專車》為大家踢走難題，古天樂於活動中會用一程Uber Taxi的時間幫幸運被選中的乘客解決生活難題，例如首位需要解難的是大學生Ella，正攻讀護士系的她，要兼顧上學與實習，日睡三小時，已為她的身心累積不少壓力，最大的難題是不知道如何回應家屬提問，同時亦不敢表達自己意見。混血肥仔笑言：「你用返佢平時答記者嗰啲答案囉。」古天樂即時「上身」說：「我唔回應！『個病人點呀？』我唔回應！」三人頓時笑爆嘴。
相關內容 : 古天樂將到大馬宣傳賀歲片 不擔心去泰國被「賣豬仔」
相關內容 : 古天樂被魚蛋妹搣面珠 梁詠琪驚胡子彤堅抽急護頭
古天樂為在職阿媽解難 一句說話KO
古天樂隨即為第二個幸運兒解難，第二個幸運兒是一位在職媽媽Isabella，她的難題幾乎是所有媽媽都面對的，就是教囝囝做功課的時候，經常忍不住發脾氣：「我好忟，好辛苦，講極都唔明，最嬲試過攞起佢成疊功課拍枱。」解圍師古天樂聞言瘋狂爆笑，他說：「『我就係唔識先要讀呀嘛，阿媽。』」
緊接，迎來正考慮轉工的Ka Wai，她說：「做咗差唔多兩年，日日都做差唔多嘅嘢，想轉做啲社交平台嘅嘢」古天樂坦言經營社交平台不容易，身旁的混血肥仔默默點頭認同，他提議Ka Wai換位思考認清選擇：「如果你轉咗，嗰啲嘢會令你無晒時間。你調轉諗吓，轉咗工會衍生嘅問題，又係唔係你想要先？」一招解圍，輕鬆！
古天樂句句中Point 被讚係出色「解圍師」
最後一站，兩位「解圍師」來到尖沙咀接載酒吧老闆Ka Kit，他正面對近年經營者的典型問題，市道不景加上資金見底，其次是租辦活動的場地遇到問題，更甚是有拆夥危機。古天樂一招點出問題核心：「你點解覺得搞活動可以幫到酒吧？你又唔係喺嗰度賣酒。」經過一輪追問，Ka Kit才透露自己想建立地下文化的品牌，古天樂反問他為何不直接做專門推動地下文化的唱片公司？他說：「嗰個酒吧，你都唔係諗住做大生意，根本都多鬼餘，執咗佢啦，嘥晒啲時間。」句句中Point，Uber Taxi一日限定解圍專車任務大成功！
