更新時間：23:18 2025-01-19
發佈時間：23:18 2025-01-19
發佈時間：23:18 2025-01-19
《萬千星輝頒獎典禮2024》於今日（19日）晚上8時在澳門上葡京綜合度假村舉行。TVB藝人及劇集一向受馬來西亞觀眾歡迎，因此近年都會頒發由當地觀眾票選的獎項，其中「馬來西亞最喜愛TVB男主角」由張振朗奪得，也是他自2019年首度獲提名視帝以來，首度獲得男主角獎項。
相關內容 : 萬千星輝頒獎典禮2024 ｜ 林景程奪「最佳男配角」 喊爆說：我冇入錯行
相關內容 : 台慶頒獎禮2024｜47歲楊卓娜薑越老越辣 胸戰激烈 馮盈盈輸晒 !
台下「視帝」、「視帝朗」聲此起彼落
張振朗憑《反黑英雄》徐國賢一角成為「馬來西亞最喜愛TVB男主角」時，張振朗聽到自己的名字時未有反應，坐在他旁邊的胡定欣即搭着其肩膊以示鼓勵。張振朗隔了一陣才站起來，好友朱敏瀚立即上前擁抱，他上台接過獎項後，台下「視帝」、「視帝朗」之聲此起彼落，張振朗才現笑容連聲多謝，並說：「首先一定要多謝馬來西亞每一個投票畀我嘅觀眾」，更即場說了馬來語多謝當地觀眾，表現興奮。
《初五啟市錄》做緊咕喱仔 懷疑自己有冇機會
張振朗宣讀得獎感受時，他就分享自己由訓練班畢業到成為「大馬視帝」的經歷，張振朗感慨說道：「其實呢個獎對於我嚟講好遠，講緊係十幾年咁遠，我好記得我訓練班入嚟，我記得好似台慶影月曆，我企喺尾三嗰排，我望住最前面，究竟有冇機會有一日，我可以企到最前呢。跟住我拍劇嘅時候，《初五啟市錄》我喺後面做緊啲咕喱仔，我有冇機會可以好似啲主角咁多戲演呢？我發覺原來係有希望，係有未來，只要你想就得。」張振朗忙亂中重複多謝了鍾澍佳，其後又多謝劇中好拍檔兼「兒時偶像」姚子羚，在台下的姚子羚也比心回應。
最Hit
