發佈時間：12:01 2025-01-05
早前播出的無綫台慶劇《黑色月光》，兩大視后楊茜堯和林夏薇鬥戲箇然精彩無比；而久休復出的郭峰，教課書的演技，亦令觀眾讚歎不已。另外，此劇還有一亮點，就是飾演郭鋒助手的蔡誌恩，開頭以為他是忠臣，怎料原來是個反骨的陰險小人，演出令網民擊節讚賞，而人氣急升！
雖然郭鋒和蔡誌恩年紀相差近30年，但原來他們相識達15年之久，每個星期更會抽空一齊打羽毛球；而郭鋒亦是靠着這項運動，走出與他相愛40年、一代電視花旦歐陽佩珊離世的陰霾。
傷心欲絕
入行超過50年、現年73歲的郭鋒，演繹過無數經典角色，例如：《尋秦記》的呂不韋、《創世紀》的霍景良，熒幕上奸到出汗，但他私下卻是「絕世好老公」。1976年，他與一代電視花旦歐陽佩珊，因拍攝的麗電視的劇集《無語問蒼天》，一同飾演啞巴，朝夕相對學習手語而互生情愫。由於兩情相悅，故翌年便決定結婚。婚後，兩人相敬如賓、恩愛非常，雙方皆從來沒有傳出緋聞，所以被譽為娛樂圈的模範夫妻。可惜，歐陽佩珊因患上肺腺癌，於2017年撒手麈寰，終年63歲。
當時，郭鋒傷心欲絕：「心理影響生理，你唔會覺得肚餓、口渴、眼瞓⋯⋯可能有啲人覺得都係咁嘅啫；但針唔拮到肉唔知痛，我好多謝我啲朋友，佢哋令我冇咁憂鬱。」除了找朋友做樹窿傾訴之外，他還有返教會尋求心靈的慰藉；以及常做運動，尤其是打羽毛球，來增強自身的正能量，最終助他走出喪妻的陰霾，重返幕前與大家見面。
打波落力
日前，在將軍澳的一個屋苑會所，本刊就發現孭着一大袋球拍的郭峯，與《黑色月光》劇中，飾演他助手的蔡誌恩（Vincent），相約了一班老友打波。原來，兩人相知相交了15年，並且幾乎每個星期都會相約打波。現場所見，雖然只是打友誼波，但與Vincent組成一隊的郭鋒，完全沒有欺場，跑前、跑後、趴低接球都難不倒他，甚至跳高大力殺球，他都有姿勢兼有實際。最後，郭鋒和Vincent以19比12擊敗對手，確實威威！
現年44歲的Vincent，畢業於香港城市大學會計系，曾先後擔任有線及無綫的新聞主播；不過，他於2007年毅然決定轉職，接着搖身一變成為模特兒及演員，並加入過亞視，之後才簽約邵氏及無綫成為旗下的藝人。近年，他漸漸獲公司給予機會，參演不少重頭劇。在台慶劇《黑色月光》中，他將郭鋒反骨助手「霍建堃 Kenny」的奸狡與囂張，演繹得淋漓盡致，因而獲得網民讚賞，令他人氣急升！
延伸內容 : 久休復出的郭峰《黑色月光》熱度超越《新聞女王》
蔡少芬鼓勵
近日，Vincent在社交平台，晒出由旅遊業監管局發出的領隊卡，並寫道：「外遊領隊，第一次正式當外遊領隊，帶45人的遊學團，去廣州兩日一夜，感覺新鮮有趣！」相片中，他的身後則是廣州沙灣非遺古鎮。他之所以要身兼數職，目的是希望賺多一點錢，好讓年老的雙親可以安享晚年，他坦言：「其實，我𠵱家都做緊幾樣嘢嘅，自己有保險牌，而最近又做領隊嘅工作，同埋有時都會幫朋友補習，變咗有唔同嘅收入來源。因為要照顧屋企人，爸爸、媽媽好早就退咗休，所以家庭嘅生活開支都係我負責。」
在艱難的日子，篤信基督教的Vincent，幸得信仰陪他度過：「之前入咗ATV，有3年冇嘢做，出現咗一啲困難，當時係蔡少芬俾咗一啲鼓勵我，佢話我既然有信仰，點解唔去向自己個神祈禱，去求自己嘅需要呢？佢俾咗好大嘅提醒同鼓勵我，另外仲有一班基督徒嘅朋友，同樣幫助咗我好多。」郭鋒和Vincent都是虔誠教徒，為摯愛願意無限付出，加上志趣相投，難怪可以成為忘年之交。
《東周網》訪談系列節目《星桄伴我心》12月/1月重磅嘉賓：
即睇：肥媽攬屍唱情歌 憶亡夫飲泣 搵胡楓哭訴對話大公開
即睇：「黑妹」李麗霞2段婚姻3次患癌「我其實係一個軟弱女人！」
即睇：《異空感應》阮浩棕演技大爆發 罕談緋聞女友何沛珈 致電某人激動爆喊真情流露
即睇：劉江「講呢啲」｜ 結婚51周年，分享獨門退讓心得｜爆周潤發古惑招𠱁跑山
