發佈時間：10:35 2024-12-20
剛於今年「升呢」做老竇的陳家樂，近來走勻兩家電視台，人氣大增。首先，他孭飛的無綫劇《異空感應》正在熱播，同時又幫HOY TV開拍第一部原創劇《我愛九龍城》，劇中還左右逢源，周旋前無綫花旦岑麗香和憑《卧底旅行團》系列上位的「HOY TV一姐」盧頌恩（妹頭）之間。
可惜，劇中妹頭跟陳家樂的關係，只是神女有心，襄王無夢。縱使她不斷為男方無限量付出，但陳家樂還是忍無可忍公開攤牌。而可憐的妹頭，首度拍劇即食檸檬，結果搞到cut機後，仍然喊唔停。
延伸內容: 連詩雅分享首張一家三口合照 望住BB感觸落淚
延伸內容: 連詩雅震住誕5.9磅小公主 陳家樂親剪臍帶感動爆喊
延伸內容: 《異空感應》阮浩棕探訪幼稚園送聖誕福袋行善 被小朋友認出是Duncan哥哥
盧頌恩單戀陳家樂 任勞任怨做阿四
陳家樂、盧頌恩（妹頭）、敖嘉年、泰臣（翟凱泰）等，日前現身九龍城一幢唐樓為HOY TV首部原創劇《我愛九龍城》開工。當日，劇情講述陳家樂、敖嘉年及泰臣是三兄弟，跟妹頭是街坊；而妹頭一直單戀陳家樂，更任勞任怨地被他的二哥敖嘉年老點打理屋企，藉以打動男方的心。可惜，陳家樂只視妹頭為普通朋友，最終絕情向她攤牌。而慘食檸檬的妹頭，深受情傷打擊，委屈得熱淚盈眶。
首次拍劇的妹頭，喜獲公司度身訂造角色；而為了投入角色，她事前都有跟陳家樂排戲。完成這場戲後，即使導演叫了停機，妹頭仍眼淚流不停，她表示︰「場戲幾hurt（傷害）我㗎，拍嗰時就諗住『咁衰嘅男人』，我一心付出，搞到我冇晒青春。由於我平時做開《卧底》，同拍劇嘅體驗好唔同，所以劇組之前都有同我開會，分析好個人設，咁會易入戲啲。」不過，她強調拍劇真情流露，跟自己真實經歷沒有關係。而陳家樂則謂︰「因為佢越來越過分，當正自己係女主人，所以要同佢講清楚，但就傷咗佢嘅心。」
陳家樂同岑麗香、栢天男大搞三角戀
陳家樂除了跟妹頭有感情轇轕，還會跟岑麗香和栢天男大搞三角戀，但就無情侶間的激情戲，最激反而是三兄弟的嘈交戲。
剛為人父的陳家樂，縱使近來日夜趕拍，當日只瞓得3粒鐘又再開工，但為搵奶粉錢，他依然狀態十足。提到現時僅5個月大的B女陳星頤﹙Camila﹚，他即喜上眉梢︰「太太每日都傳相俾我睇，我都有幫手餵奶、沖涼同換尿片。BB好好玩，我終於明白點解叫前世情人，真係即使幾攰，見到佢就好開心！」雖然女兒還年幼，但他已開始構思教育安排，「都有諗讀傳統定國際學校，但我唔會逼佢，最緊要佢開心，或者會從旁俾方向佢。」隨着女兒出生，他指責任加大，不單止自己的家庭，還要照顧父母、嫲嫲等，所以要更落力搵錢。
鬼王潘紹聰同小肥客串 出動私伙
現場還有鬼王潘紹聰和小肥（徐智勇），兩人分別客串區議員和玉石專家，即使是玩票性質，但他們都出動自家私伙開工，一樣投入認真。潘紹聰一身斯文西裝look，還花多300元買了條領呔，他說︰「今次演區議員，行頭打扮低調啲，雖然淨係一場戲，但都要做好佢。」他又表示，這場戲在九龍城拍攝，親切感十足，因為自己一直住在這區，只是近年才搬到啟德，並跟陳家樂是鄰居，但都經常回來九龍城吃東西。
至於，飾演玉石專家的小肥，就不惜戴上自家的勞力士金錶充撐。他透露正忙於操體能和跑步，因為下月會舉行個人音樂會。而等埋位期間，他跟潘紹聰就傾到雞啄唔斷，簡直是趁機敘舊，場面相當輕鬆，大夥兒樂在其中！
《東周網》訪談系列節目《星桄伴我心》12月重磅嘉賓：
肥媽攬屍唱情歌 憶亡夫飲泣 搵胡楓哭訴對話大公開
「黑妹」李麗霞2段婚姻3次患癌「我其實係一個軟弱女人！」
