發佈時間：10:27 2024-12-03
一年一度的《叱咤樂壇流行榜頒獎曲禮》即將舉行，由周殷廷與YouTube頻道JFFT組成的JFYT，首次打入叱咤「我最喜愛的組合」的最後5強，與MIRROR等爭獎。日前，JFYT的成員床哥，在網上拉票時，突然將呂爵安的緋聞擺上枱，結果辣㷫其好兄弟姜濤，氣憤留言直斥床哥「冇品」！
日前晚上，在維園的籃球場，《東周刊》就發現一身籃球衫打扮、谷到一肚氣的姜濤，與數名友人在鬥波；期間，他不停跑來跑去、左穿右插，搞到汗流浹背，疑似藉此盡情發洩心中的氣憤！
延伸內容 : Edan呂爵安認同林明禎台灣行夜市 搭膊頭但未拍拖
延伸內容 : 林明禎 Edan呂爵安 疑似台灣拍拖斷正 舉止親暱雨中漫步？
延伸內容 : 呂爵安靠口技媾掂女神林明禎 獨家踢爆「蜜會」秘竇曝光
JFYT同MIRROR爭奪獎項
臨近年尾，又是香港樂壇派成績的日子，2024年度《叱咤樂壇流行榜頒獎曲禮》將於明年1月1日舉行。由周殷廷與YouTube頻道JFFT組成的JFYT，首次打入叱咤「我最喜愛的組合」最後5強，與MIRROR等爭奪獎項。
日前，JFYT的成員床哥突然在網上開live拉票，期間就擺MIRROR的成員呂爵安與林明禎的緋聞上枱。由於兩人早前被拍到蜜遊台灣夜市，故床哥借題發揮，表示落區拉票時遇到不少「爵屎」：「當我哋見到佢哋（爵屎）好用心拉票時，去到好夜先返屋企，發現佢（呂爵安）喺台灣happy緊，我都唔識形容，一定係百般滋味在心頭，放心，我哋JFYT會與你同行，我哋喺投票階段唔會去台灣，歡迎爵屎加入JFYT大家庭。」
幫好兄弟呂爵安斥床哥
床哥此舉，呂爵安的好兄弟姜濤就被辣㷫，還留言直斥對方：「冇品！」事後，呂爵安亦就此多謝姜濤保護自己，還大方回應：「相信佢（床哥）今次嘅言論唔係有惡意，只係開玩笑for fun，但有時候開玩笑會影響其他人或過火，最重要係互相尊重，不要引起不必要紛爭，沒必要製造對立情況。」
雖然呂爵安想息事寧人，但姜濤似乎氣難下。日前晚上約7時，本刊就發現姜濤現身其「主場」維園的籃球場洩憤。當晚，戴上口罩，穿上NBA球衣的姜濤，與數名友人在鬥波，過往打開半場的他，當晚索性打全場。現場所見，姜濤不停跑來跑去、又左穿右插，期間經常示意隊友傳波給自己。當有波到手時，他便火速發動攻勢，帶波切入內線上籃得分，表現得非常落力，打到汗流浹背。
床哥90度鞠躬
在球場上盡情發洩後，姜濤看來亦有所領悟。之後出席活動時，姜濤突然為此事道歉：「我講嘅『冇品』，佢（床哥）會唔舒服，我同佢講聲對唔住。如果再俾我揀多次，我會用溫和啲嘅字去講呢件事。我已道歉，接唔接受我都尊重佢，佢會否道歉亦係佢嘅選擇。」
另一邊廂，床哥就表示：「我接受佢嘅道歉，我唔想再製造紛爭⋯⋯首先，我想講呢件事我哋都係輸，唔好諗住話姜B道咗歉就佢輸；佢冇輸，我哋都係輸嘅⋯⋯希望呢件事告一段落⋯⋯」跟着，他還90度鞠躬道歉，平息事件！
---------------------------------------------------------------------------------------------------------------------------------
《東周網》訪談系列節目《星桄伴我心》11月重磅嘉賓：
黎諾懿夫婦互爆閨房樂事 慶結婚10周年
林保怡提名《金雞獎》影帝 送花冧李珊珊 激罕親揭秘密關係
周吉佩牀前唱歌送別：「爸爸聽到眼角滴淚，先至斷氣！」
梁敏巧哭訴阿媽爛賭輸層樓 悲慘身世揭秘
