發佈時間：14:53 2024-11-27
新劇《異空感應》前晚（25日）播出第一集後，在網上吸獲不少好評，除了劇集的平行時空主線及奇幻元素備受網民喜愛，三位男、女主角：陳家樂、陳曉華（Hera）及阮浩棕的顏值亦獲得高度評價，劇集被封為無綫近年難得一見的「高顏值港劇」。
延伸內容 : TVB節目巡禮2025 | 陳曉華備受力捧成功跑出 拒同緋聞男友朱敏瀚合照
延伸內容 : 陳瀅開船P生日派對 大合照洩「蜜」陳曉華、朱敏瀚戀情曝光
延伸內容 : 《東周刊》獨家爆料 陳曉華朱敏瀚拍《迷網》撻着 愛到要結婚
陳家樂同阮浩棕「男男CP」成功入屋
三人之中，以激罕地以短髮Look示人的Hera，及甚少參與無綫劇集拍攝的陳家樂較惹關注，大部分網民認為短曲髮的Hera更加可愛：「Hera今套啲look算唔算世界級？」、「Hera短髮look幾靚」、「邊有差婆咁靚？」、「短髮Look好可愛」；至於陳家樂則獲讚「年紀愈大愈靚仔」，更有網民笑言他的眉型標準至令人覺得非天然：「好標準啲五官」、「佢堂眉好深，似霧眉？」、「佢年紀大咗反而仲靚仔」、「有靚仔睇會有心機啲追落去」。由於顏值夠高，連帶家樂與阮浩棕的「男男CP」亦成功入屋，有網民更好奇如此合拍的二人會否真有BL感情線。
港版《觸不到的戀人》
由於《異空感應》主打懸疑感以增加追看性，故來自未來的Mary（陳曉華角色邢可嵐未來版）暫時只是「碎片式」現身。在第一集，Mary於結尾部分才現身，並離奇地在與方日進（陳家樂飾）約好見面的地點「原地消失」！昨晚（26日）播出的第二集，日進幾經辛苦終成功與Mary再度接通電話，Mary則斷斷續續帶出重要訊息：「係，我係邢可嵐！有人想害我，我先隱藏身份咋！」、「…失蹤…有危險呀…」，但當日進追問誰人有危險時，通話卻再度離奇中斷，令不少網民大呼吊癮：「2集都臨結尾先異空感應幾秒鐘，好吊癮啫！」、「睇咗2集時空懸疑效果做得幾好」；不少無綫忠粉留言，指期待《異空感應》能與《EU超時任務》一樣帶來驚喜；還有不少網民指由於劇集不少鏡頭拍得浪漫又唯美，加上題材講述男主角與另一時空及現時空女主角的愛情故事，不約而同封《異空感應》為港版《觸不到的戀人》，網民：「初看預告片段已覺有韓國電影《觸不到的戀人》的 feel」、「期待久違嘅小品劇」。
陳曉華分飾兩個自己 慶幸化妝5分鐘就搞掂
由於今次要一人分飾兩個時空的自己，為了方便觀眾區分，陳曉華Hera跟劇組單是研究短髮造型也花了不少時間：「一嚟想有好大分別，二嚟係要諗短頭髮造型點樣可以型得嚟又爽朗，爽得嚟又可愛，呢度都揀咗好耐，因為短頭髮可以紮起啦、可以直短髮、可以再短啲，最後決定用呢個頭髮，係因為覺得佢真係好啱邢可嵐呢個角色嘅，我覺得最後個頭髮都幫咗我好多，令我都覺得自己係很可愛的一個女孩。」
陳曉華續指自己較喜愛長直髮造型，皆因夠晒「方便」：「嗰個造型我基本上冇乜化妝，每次化個底就得，化妝時間只需要五分鐘左右就搞掂，畫番個傷妝再笠個假髮就拍得架喇。」
----------------------------------------------------------------------------------------------------------------------------------------
《東周網》訪談系列節目《星桄伴我心》11月重磅嘉賓：
黎諾懿夫婦互爆閨房樂事 慶結婚10周年
林保怡提名《金雞獎》影帝 送花冧李珊珊 激罕親揭秘密關係
周吉佩牀前唱歌送別：「爸爸聽到眼角滴淚，先至斷氣！」
梁敏巧哭訴阿媽爛賭輸層樓 悲慘身世揭秘
