發佈時間：16:57 2024-11-13
71歲的鍾鎮濤（阿B）與范姜素貞拍拖多年，范姜更陪他走過欠債低潮，即使誕下兩女兒鍾懿和鍾幗，二人於10年前才結婚，為此他現身「修哥」胡楓主持的網上頻道節目《修哥萬花筒》時，被對方指責虧欠范姜：「你真係唔啱，咁好嘅老婆應該一早畀名份佢。」鍾鎮濤最初話隨便修哥鬧，但最後也解釋因要工作還2億巨債，才延遲婚期，幸好范姜明白、甘願等他，現時終守得雲開，一家樂也融融。
延伸內容：溫拿演唱會｜鍾鎮濤19歲女鍾懿好唱得！
延伸內容：《溫拿情不變．說再見Farewell with Love演唱會》 破樂隊紅館開騷紀錄
延伸內容：《繁花》 | 王家衛返鄉下拍劇拍3年 鍾鎮濤做大茄 溫兆倫零對白
被鬧感一頭霧水
鍾鎮濤近日獲邀接受修哥訪問，二人大談演戲和書法等；期間修哥突然對鍾鎮濤表示不滿，稱要鬧他，令鍾鎮濤一頭霧水：「鬧我？隨便啦！不過你鬧我會唔會又...。」胡楓指鍾鎮濤與范姜認識多年，鍾鎮濤回應：「點樣耐法？識咗佢廿幾年喇喎！」胡楓續稱鍾鎮濤與范姜認識多年後才求婚，即責罵他說：「一個咁好嘅老婆，應該好快同佢表示吖嘛！」
再婚前努力還債
鍾鎮濤聞言即鬆一口氣，又聽見修哥讚范姜是賢妻良母，才笑說：「我唔得閒！唔只我唔得閒，大家都唔得閒，我要還債，仲要做嘢！」修哥解釋鍾鎮濤遲遲不給予范姜名份：「你真係唔啱！」鍾鎮濤承認二人雖然一齊多年，外界亦早已認定他們是一對；但之後因感到對范姜不公平，所以想補償對方，才決定於2014年在峇里島舉辦一場豪華的婚禮，當時更由囡囡擔任花童。鍾鎮濤直言好開心，而范姜亦理解其難處。
一家六口生活愉快
鍾鎮濤曾與章小蕙有過一段轟動的婚姻，二人於1988年結婚，並育有大仔鍾嘉浚和細女鍾嘉晴，可惜他們在1997年離婚收場。章小蕙早年移居美國，直至近年才將重心轉往內地。
鍾鎮濤當年離婚後，同時遇上金融風暴，欠下逾2億元的巨債，無奈下於2002年申請破產。鍾鎮濤之後遇上現任太太范姜，女方對他不離不棄，更陪伴走過欠債低潮。二人一直相愛至今，除了女兒鍾懿和鍾幗外，范姜也幫忙湊大鍾嘉浚和鍾嘉晴，令鍾鎮濤十分感激，現時一家六口樂也融融。
