發佈時間：19:38 2024-11-06
世界宣明會全球性籌款活動「Global 6K for Water」即將登陸香港舉行，參與者透過跑步或步行為缺水社區的水利工作籌款，美國及韓國等均先後舉辦這項既有意義又健康的活動。今年，香港世界宣明會將「Global 6K for Water」帶到香港，首屆香港「Global 6K for Water」將於12月8日假金鐘添馬公園舉行。
香港世界宣明會更邀得影后張艾嘉領軍，孖唱作歌手馮允謙（Jay Fung）及導演劉偉恒擔任活動大使，早前更齊齊為活動拍攝宣傳片及海報。
延伸內容 : CHANEL香港時裝show｜周潤發激罕現身時裝騷 自言做跑步教授 傳大腿有腫瘤：再大要入院
延伸內容 : 周潤發深水埗開餐被網民野生捕獲 身為影帝竟然要搭枱開餐
延伸內容 : 「紅」霸娛圈逾40年 揭周潤發九龍塘大宅風水局
張艾嘉因為周潤發愛上跑
以往經常與宣明會到不同地方探訪的張艾嘉，首次以跑者身份為宣明會活動籌款，提到她與跑步的淵源，原來與好友周潤發有關：「自從COVID之後，周潤發就約我去跑步，開頭我真係跑唔郁，3分鐘我已經就嚟死，不過佢話我知跑步就係需要一種毅力，就係要慢慢練，唔可以停，要繼續跑。喺跑步中間，我得到好多樂趣同埋搵返啲健康。」
除了張艾嘉，劉偉恒也笑指自己跑步，亦間接與發哥有關，他表示好友周家怡同樣在疫情期間，邀請他加入跑隊：「其實嗰隊人就係由發哥跑步團嗰度衍生出嚟，發哥嘅教練蘇凱男同我哋一齊跑。嗰陣日日喺城門水塘跑，見親都係影視圈嘅人，米雪姐、黃日華、發哥個表妹。最有趣嘅地方，我同過咁多同佢咁(接)近嘅人跑，唯獨我冇同過發哥跑，連野生捕獲都未試過。」Jay Fung雖然同樣未曾與發哥跑步，但他直言：「如果佢叫我跑，我一定去啦，可以一路跑一路selfie，正！」
張艾嘉曾到盧旺達陪小朋友打水
張艾嘉提及這次活動，她就大讚非常有意義：「我曾經探訪過盧旺達陪過一個小朋友去打水，要上山落山，拎住一個破爛嘅水桶放喺頭頂度，行好遠路打水畀屋企人飲，我覺得用跑步去支持佢哋，係好有同理心。雖然我哋唔使拎住個水桶跑，但係都會明白行咁遠路去攞半桶水，係幾咁辛苦嘅一件事。」
馮允謙有感生活於香港好幸福
而馮允謙 Jay Fung認為生活於香港好幸福，打開水龍頭便有自來水，希望藉著這次活動，嘗試感受缺水社區孩童，每日要走很遠取水的生活。身為父親的劉偉恒，跑步活動讓一家更了解貧困地區居民的生活狀況，期待兩個女兒透過活動，強身健體之餘亦可以有更深的體會。
第一屆香港世界宣明會「Global 6K for Water」
日期：2024年12月8日（星期日）
地點：金鐘添馬公園
時間：下午3時至6時
活動設有個人組（6公里）、親子組（3公里）及同心漫步組（1公里步行）
官方網站：https://www.worldvision.org.hk/global6k
