發佈時間：08:36 2024-11-05
今年34歲的林寶玉（Connie），因擔任前「亞視一姐」薛影儀（阿儀）的經理人，而獲網民封為「最索經理人」。現時，兩人已分道揚鑣，Connie便專心力捧自己，令自己躍升為國際級模特兒。
一直驅使Connie向上爬的動力，竟然是父親。在她的小時候，林爸爸由於有外遇，結果釀成家變；而當時迷惘至極的林媽媽，因不知所措，導致女兒顛沛流離。其後，幸好有家庭收養，但她眼泛淚光的說：「件事邊有咁順利呀……」
在腦海中，Connie深深印着爸爸的所作所為，故對男人失去信心。從小到大，她不乏裙下之臣，包括：龐景峰、側田及許廷鏗的哥哥許永鏗，但都沒法開花結果 。Connie笑說：「好耐冇拍拖，中醫話我陰陽失調，要搵個男人搞吓，哈哈！」
延伸內容: 鬧翻後首度同場 林寶玉被當眾鬧八婆 阿儀自爆生肖唔夾難化解
延伸內容: 直擊林寶玉遭「翻版姜濤」狂挑逗 秘蒲銅鑼灣裸男Bar
延伸內容: 亞視一姐薛影儀IG狂數經理人林寶玉「好X街」 網民一面倒鬧爆「番去做侍應啦你」
視阿儀如妹妹般對待
雖然薛影儀（阿儀） 已經成為亞視棄將，而被譽為「至索經理人」的林寶玉（Connie），亦離開了亞視；不過，早前在活動上，阿儀見到Connie時，突然表現得非常激動，並用粗言穢語狂鬧她。
其實，由接觸阿儀開始，Connie就一直視她如妹妹般對待，所以搞到如斯田地，她表示十分無奈：「我都知道阿儀嘅家境唔算太好，所以都好想盡力幫佢，不過當時佢真係成日走咗去玩，有工作唔接，唔聽話，公司選擇唔要佢，唔係我揀嘅。不過就算做唔到朋友，我都唔想搞到咁，我真係好希望同佢冰釋前嫌。」
一個電話 同薛影儀冰釋前嫌
Connie應本刊要求，打電話給阿儀，希望大家平心靜氣地傾談一下。一向做事無定向的阿儀，收到電話後，並沒有發怒，且表現平靜，又追問亞視現時的發展去向。Connie估計阿儀當晚應該只是想搞新聞兼搞氣氛。
離開亞視作獨立發展後，Connie除了成為一個印度珠寶品牌的代言人之外，早前還應這品牌的邀請到巴黎行騷。在時裝騷中，Connie的一襲透視裝成為全場焦點，她表示為了這個演出，完全豁出去，更「真空」上陣，幸好外間的反應出奇地好。難怪，相關工作接踵而來。兩個英國品牌邀請她，11月飛到當地出席活動，能夠邁向國際，她坦言意料之外：「我都估唔到反應咁好，希望可以真係做到國際名模啦，哈哈！」
回想爸爸有外遇眼泛淚光
不單止在模特兒界發光發亮，本身擁有一間二手名牌店及美容院的Connie，最近亦獲一間家族辦公室青睞，洽談合作大計。此外，新一屆的亞姐競選正進行得如火如荼，而亞視亦找Connie歸位幫手，她直言：「我得一個人，邊度做到咁多嘢呀？不過，當然睇吓邊樣嘢係最搵錢啦！」
驅使Connie如此發奮、上進，全因她有一個拋妻棄女兼有外遇的爸爸，她眼泛淚光的憶述：「當年，我得11歲，阿爸咁樣，嗰時唔知點做嘅阿媽，因為好迷惘，都拋低咗我，所以由小到大，我都覺得男人係靠唔住嘅，所以唔好等人養，突然唔要你，乜嘢都冇嘅嘞。」那時流離失所的Connie，幸得同學打救：「我當其時唔知點做，淨係識得向同學訴苦，同佢講屋企發生咁嘅事，佢就問屋企人，然後收留咗我。其後，因為佢哋移民，我又去咗第二個家庭，輾轉我應該去咗三至四個家庭，我嘅少年時代其實都唔容易過，所以我更加要學識自強。」
許廷鏗阿哥一齊三年
因為樣靚身材好，所以由小到大，Connie都不乏裙下之臣。可是，小時候缺乏家庭溫暖的她，對每一段感情都不能夠好好享受及投入，她認真的說：「其實，我都覺得虧欠咗佢哋太多，好似許廷鏗阿哥（許永鏗），其實佢個人好好，我同佢一齊三年，佢都好照顧我，但係我阿爸咁樣，令到我真係產生好大嘅陰影。」
初戀男友是龐景峰 同側田曾有過一段情
初戀的甜蜜令人最回味，Connie 的初戀男友原來是龐景峰，她笑言：「佢係我嘅初戀，嗰時我覺得佢幾靚仔，咁相處落大家又幾舒服，就一齊啦！𠵱家我哋都仲有聯絡㗎，佢成日叫我去佢嗰度學功夫，識打功夫嘅男仔梗係型喇！」
本刊收到爆料指，Connie與側田曾有過一段情，她聞言立即耍手兼擰頭的說：「唔好影響人哋啦，佢𠵱家好乖仔有一個女朋友，唔好講佢嘞，都過咗咁耐啦！不過，當年最好笑，就係影到佢同一個女仔喺海韻軒行出嚟，大家都問係唔係我？睇完張相，我都以為真係俾人影到，嚇咗一跳！」不過她補充說：「其實有邊個女仔唔鍾意有才華嘅男仔呀？」唱情歌最耍家的側田，真的冧死無數女！
被斷定為陰陽失調 中醫建議「搞吓嘢」
人長大了，現時以事業為重的Connie，已經單身了好久。早前，因為身體出現了異常變化，她於是睇中醫，結果被斷定為陰陽失調，她哈哈大笑說：「中醫話我要好番，就要搵個男人搞吓嘢，佢話我因為冇性生活，陰陽唔平衡，所以搞到咁樣，其實我向來對呢方面嘅興趣都唔大。」雖然在愛情路上跌跌碰碰，但Connie仍然覺得是需要結婚生孩子，現時為事業衝刺的她，準備下年會去做卵子雪藏手術，她直說：「我係鍾意細路仔，所以都想生小朋友嘅，不過聽講雪卵會搞到身形暴脹，所以講咗好多年都未去做啫。」平時快刀斬亂麻的Connie，在雪卵這件事上，竟然患上拖延症，有失「最索經理人」的本色！
