更新時間：16:49 2024-11-01
發佈時間：16:49 2024-11-01
發佈時間：16:49 2024-11-01
劉俊謙（阿謙）憑藉電影《九龍城寨之圍城》和《武替道》的叫好叫座，加上俊朗外表、非凡身手，以及健康正面的形象，因而人氣急升，更被網民一致推舉為「全民老公」。阿謙事業運暢旺，頓成廣告界寵兒。繼早前孖女友蔡思鈞合體拍廣告後，日前又為韓國保健品牌拍攝廣告，更出動4個不同的造型，當中以貼身騷肌Look最吸睛！
延伸閱讀：劉俊謙、伍允龍現身《武替道》首映禮 千人圍觀雙主角生日驚喜
延伸閱讀：《九龍城寨之圍城》 票房突破9000萬 連續32日單日票房冠軍 林峯 劉俊謙 伍允龍 胡子彤 見面會親身答謝
延伸閱讀：《九龍城寨之圍城》四子康城開Live 慶祝票房衝破5500萬
貼身騷肌Look最吸睛
拍攝當日，阿謙大玩4個不同的造型，包括︰家居服、西裝、皮褸電單車Look、背心短褲跑步Look和貼身騷肌踩單車Look，當中以最後的貼身騷肌Look最吸睛！雖然他要馬不停蹄、穿梭於拍攝影像及平面兩個場景之中，但他全程笑容滿面，亳無倦意，十分專業！
埋位前Keep住做運動
問他如何在百忙中保持在最佳狀態？他笑言：「就算拍戲時，我都會Keep住做運動。知道今日拍廣告會見到肌肉，所以帶咗健身橡筋嚟，埋位前又會Keep住做掌上壓同拉橡筋動作，令肌肉線條可以靚啲，等拍攝時嘅效果更好。」
食保健品增強抵抗力
除了做運動外，阿謙亦表示會食保健產品，以增強抵抗力，他分享道：「我好鍾意今次嘅產品概念，因為要有健康嘅體魄，先可以真正過自己鍾意嘅Lifestyle；特別係呢幾年，我覺得可以同身邊人健健康康咁生活係一件好重要嘅事。」未來他會繼續以拍電影為主，希望大家多留意他的作品！
最Hit
