更新時間：17:45 2024-10-29
發佈時間：17:45 2024-10-29
發佈時間：17:45 2024-10-29
憑打入《中年好聲音》12強而重返樂壇的曹敏寶（Mable），近來除了參與網上音樂平台直播Jam歌外，原來也秘密打造全新歌曲《未結束的故事》。相隔8年再出歌，曹敏寶特別搵嚟鏡仔御用音樂監製徐浩和歌手曾樂彤助陣，還專程到大埔拍了個好溫馨的MV。雖然曬足全日，但效果滿意，她希望大家都鍾意啦！
音樂監製教路
曹敏寶輾轉8年都未有推出新歌，最近卻花盡心血籌備；新歌的幕後班底更搵嚟鏡仔的御用音樂監製徐浩和歌手曾樂彤聯手打造。她坦言：「第一次見到徐浩大哥時真係好感動，因為我真係好鍾意佢嘅作品，喺錄音過程中又學到好多嘢，佢會教我點樣先係唱得「新潮」，好搞笑！好開心佢同樂彤會細心聆聽我嘅故事，而製作咗呢首作品。我認為係一首好浪漫嘅勵志歌，好多謝製作班底嘅神編曲！」
曬足全日拍MV
日前，曹敏寶與10多人的拍攝團隊出發到大埔拍攝MV。雖然於郊外和海邊曬足全日，但出來的效果滿意，她感謝負責MV製作的監製張子丰，她續說：「今次做呢首單曲真係一腳踢，好慶幸有好多好專業嘅朋友支援，大家努力做好件事，令我團火唔敢熄，加上我真係好想用呢首作品，鼓勵任何3歲至80歲、曾跌低過嘅朋友，話畀佢哋知遇到難關，只有一個人唔可以放棄，就係你自己！」她將於11月中舉行新歌發布會，屆時其好友也會一齊演出，以示支持！
最Hit
