更新時間：18:00 2024-10-24
發佈時間：18:00 2024-10-24
發佈時間：18:00 2024-10-24
臨近Halloween，港產驚慄電影《邪Mall》應節於正日10月31日上映。電影以淪為「死場」的舊式商場為背景，大玩屍殺困獸鬥，復刻港式驚嚇。
楊偉倫動用真．法器 拍拍下感「瀨嘢」!
戲中飾演半桶水師傅的楊偉倫（阿卵），除了特地學習相關知識，他亦為港產驚嚇電影捧場客。楊偉倫談到港產驚嚇電影，即表現得非常興奮地同大家分享過去看過的電影和感受，他說 : 「遠至我細個睇嘅《殭屍先生》系列，近啲嘅《生化壽屍》，我都有睇㗎。今次我終於拍到呢類型嘅電影，算係成就解鎖。話就話我喺戲入面係半桶水師傅，但係我都有學吓法科嘅知識，劇組都有真正嘅法科師傅監場。我喺戲入面用嘅法科道具，都係師傅嘅私伙。」
楊偉倫於電影中，動用真．法器，而他亦自爆曾親歷「奇境」，他說 : 「喺拍攝一場招魂戲嘅時候，我一手揸住道具，一手拎住啲符，照師傅教嘅方式唸咒。我有問師傅，個法器同啲符係咪堅嘅，佢都答我：『堅㗎！』，拍拍吓，我就Feel 到個人暈暈哋，手軟腳軟咁⋯⋯不過，我拍之前未食嘢，又轉咗咁多個圈，我諗暈暈哋都係正常嘅。」
王家晴為角色做足功課
至於Candy@Collar（王家晴），則是首次作電影演出，她稱演出前曾為角色做功課；還指自己的電影處女作即可跟楊偉倫，及飾演其父親的姜皓文合作，獲益良多。「我喺戲入面角色係『阿欣』，同黑哥（姜皓文）係兩父女。為咗演好角色，我收到劇本之後，就諗咗『阿欣』嘅成長背景、性格，寫喺一本簿度，幫我投入角色。另外，本來我好驚睇恐怖片，但係為咗感受吓氣氛，我有睇番都係用商場做背景嘅《生化壽屍》。始終係第一次拍電影，所以初時我都好緊張，但係黑哥同阿卵都好Nice，會同我傾吓偈，等我Relax啲。」
最Hit
