發佈時間：17:29 2024-10-19
由陳果監製、新晉導演葉鈺瀛自編自導的「首部劇情電影計劃」第6屆大專組得獎作品 《寄了一整個春天》（原名《風景線》），前晚趁亞洲電影節開幕禮，一眾演員包括首次拍攝電影的Collar成員邱彥筒（Marf）、陳書昕、張毓軒，以及型男栢天男和「豹嫂」胡蓓蔚，現身與觀眾一起首度觀賞電影。完場一刻觀眾反應熱烈，更表示對Marf演口吃少女感驚喜，令Marf也大表興奮！
首次演出
今次除了栢天男外，幾位演員都是第一次演出電影，不少觀眾對Marf首次演出一位內向又有口吃的少女感到驚喜，Marf表示：「個角色同我作為Collar成員畀大家嘅感覺好不同，原來做演員可以有好多可能性，感謝導演畀機會我，接觸到一啲言語治療師，甚至一些有口吃嘅人士，佢哋樂意同我分享同畀咗好多演口吃嘅意見我，希望大家感受到我哋想表達嘅訊息。」
刻意安排
觀眾發現電影中主角的家長們，好像都消失了，導演表示這是刻意的安排：「電影主題其實係關於溝通，可能有一方想溝通，但原來另一方有機會接受唔到，所以希望透過呢部電影，去探討點樣搭建溝通嘅橋樑。」
脫褲跳舞
電影中，有陳書昕喺禮堂脫掉底褲跳舞這場戲，她表示是最難的一場：「我本來想排少少舞去拍，但導演話呢場戲係要隨性去演，排舞就變得刻意咗，我係一個好需要有預備嘅人，但導演咁講就嘗試唔去練，拍攝當天仲病咗，慶幸出嚟嘅效果好好。」
臨場執生
張毓軒則表示與監製陳果演出的那場戲最緊張：「本身係有劇本，但大家都知果導好隨心，當正式拍攝時，果導就即興演出，而我就要接佢嘅對白，其實嗰場戲我腦海係一片空白。」栢天男接着笑指「粉紅隧道」那場幻想戲是最大挑戰：「我要用超市嘅手推車，推住Marf好開心輕鬆咁轉落天橋，但其實有重量嘅，而且速度好快，冬天拍時我都流晒汗。」Marf聞言即大笑：「我冇諗過嗰場戲你會覺得好大挑戰，我反而覺得好刺激，好Enjoy嗰場戲！」
演活「訓導」
首度演出電影的豹嫂，亦被觀眾讚賞，笑指演活了女校的嚴厲訓導老師一角，豹嫂笑言別被角色欺騙：「好想講，我好落力去演活咗個角色，但我真係唔係咁，其實我內心係好柔弱嘅，不過當我啱啱睇電影時，我都覺得自己好惡！」
故事簡介
女高中生許澄（邱彥筒飾）因天生口吃而缺乏自信，不擅交際。與唯一好友Rachel（陳書昕）在網上經營二手內褲生意，在這不乎合道德規範卻又合法的生意中，因熟客Gabriel對許澄的噓寒問暖，讓春心初動的少女逐漸美化自己與買家的關係，她得到了關注和愛，卻失去了友情。
