更新時間：20:44 2024-10-18
發佈時間：20:44 2024-10-18
發佈時間：20:44 2024-10-18
謝君豪今日（18日）率魏浚笙（Jeffrey）、何啟華（Dee）、林家熙（Locker）、梁仲恆和黃愷傑到一間消防局、為電影《焚城》歌曲《一世隊友》拍MV。6人均以白色貼身背心襯制服褲到場，影大合照各人更谷行胸肌晒粗手臂兼老鼠仔。期間引來大批學生圍觀，當魏浚笙現身時，大隻仔魅力沒法擋，令一眾女學生不斷放聲尖叫，場面熱血沸騰！
影寫真有得諗
61歲謝君豪和26歲魏浚笙，身形操得勁Fit，皆因平時都有做開運動。提到他們在拍照時狂騷肌玩得好開心，謝君豪笑言：「都係為大家帶嚟歡樂，同埋想帶出消防員團隊嘅感情係好好。」既然感情咁好，問他會否考慮影消防員寫真？Jeffrey即笑笑口話：「如果為慈善，可以出一分力。」又指謝君豪買了新相機，到時可由他操刀，讓大家有機會看到他的真身。至於今次的MV內容，謝君豪續稱全由他們自由發揮，並透露稍後會有濕身環節，大家要拭目以待！
拍MV反轉消防局
阿Dee和Locker不約而同笑稱，今次拍MV一定會反轉消防局，但阿Dee講明怕水，希望過程中不需要他濕身；而Locker則期待用水槍射謝君豪，因為怕他熱，望為他降溫。提到Jeffrey話可以影消防員寫真，阿Dee即說：「可以考慮吓，因為我隨時Ready，但要錫身唔裸露，因為我哋唔係真正嘅消防員，要為消防員保持形象。」
鼻尖喉核最誘人
問他們最滿意自己身形邊一部分？Dee笑指是鼻尖，Locker則笑指是喉核。問到Locker的女友Marf（邱彥筒）可有讚他喉核好看？他笑說：「佢有讚過我側面嘅輪廓好睇，波浪型一流。」又示範震喉核，身旁的阿Dee即大叫「唔好」，怕再震會愛上他。
最Hit
