更新時間：17:51 2024-09-28
發佈時間：17:51 2024-09-28
發佈時間：17:51 2024-09-28
現年30歲的2019年港姐五強蔡嘉欣，因經常晒名牌及周遊列國被指拜金，而她亦直認是「拜金KOL」，近年拍不少與名牌相關影片，大受網民歡迎。今日（28日）在IG宣布約滿TVB，正式結束5年的賓主關係。
蔡嘉欣在IG貼上多張相片並說：「今日！New Beginning，過去5年在TVB的日子，很開心也很精彩～完全是人生非常有意思的一段經歷！感謝TVB給過我的每一個工作機會，特別感謝每一位合作過的台前幕後。每一段人生故事都會成就更好的自己，我的故事...未來還會怎樣編寫？不知道！但我十分期待。」後來蔡嘉欣又拍片分享離巢感受，她說：「正式TVB完約，要記錄一下新嘅開始。過去呢5年係我人生非常正嘅旅程，同埋係我嘅人生轉捩點，25歲選香港小姐入行，到我而家30歲，人越大就會成日問自己，我嘅人生就會想要點呢？我發覺就係想要一個好精彩，體驗好多嘢，可以出一本故事書嘅人生。而我呢個旅程，就係我呢本故事書嘅其中幾十頁好精彩嘅篇幅。呢5年真係有好多除咗喺呢間公司，唔知邊度可以經歷到嘅嘢，例如選港姐、做主持同演員，呢啲係用錢買唔到，係將來做咗人哋阿嫲，可以分享畀啲孫聽。」
蔡嘉欣還覺得重要獲得一班友誼：「我喺呢間公司識咗幾個真係好好嘅朋友，我哋一齊成長嘅感覺真係超正，而家有啲返番去25歲選港姐嗰陣嘅感覺，新嘅開始，你唔會前途會係點，但係呢個就係我想要充滿未知，好玩同探險嘅人生，期待未來發生嘅故事，期待未來喺我嘅人生嗰本書，有更多精彩嘅章節。」蔡嘉欣加入TVB以來工作不多，早前曾在TVB劇集《妳不是她》飾演賣車經紀獲讚，不過她明言並不打算在TVB長遠發展，表明未必續約，蔡嘉欣更曾宣布將做導遊，疑為「轉行」做準備。
最Hit
