發佈時間：12:47 2024-09-18
《2024香港小姐競選》決賽於本周日晚（9月15日）在將軍澳電視城舉行，現年23歲、有「城大李嘉欣」之稱的倪樂琳，以大熱姿態奪得冠軍；而亞軍則由「最上鏡小姐」梁嘉莹再下一城。至於季軍就由21歲的楊梓瑤摘下，她還獲頒「才藝女神大獎」及「智囊百選女神大獎」，成為最多獎項的佳麗。
賽後，冠軍倪樂琳接受訪問時，表示最擔心就是泳裝答問環節，並自言超級緊張，但為保持亢奮的狀態，賽前要飲Red Bull壯膽，當真「送你一對翼」，飛上枝頭變鳳凰！
𡃁模變冠軍
現年23歲的出爐港姐冠軍倪樂琳（Ellyn），擁有高顏值，長得與1988年的港姐冠軍李嘉欣相像，加上清純的氣質，因而被封為「城大校花」，自參選以來備受外界關注。美貌與身材兼備的她，從小熱愛唱歌和跳舞，曾與TVB小花區明妙等人，自組女團MORII GIRLS拍攝跳唱短片，亦曾參與廣告拍攝，以及做𡃁模影性感寫真集，又把英文名Stella改為Ellyn，疑似想「洗底」。
賽後接受訪問時，大熱封冠的Ellyn表示，對結果感到十分開心，既多謝網民支持，又感謝傳媒給予「城大李嘉欣」外號，令她得到更多關注。問到對自己整晚表現如何？她坦言：「我最唔滿意可以話係泳裝環節，因為真係好驚，着住高踭鞋，又着咁少布喺鏡頭面前，我feel到答問題時緊張到震，有啲笑唔出。除咗泳裝環節之外，其他環節我都好滿意，因為我都keep住一個好亢奮嘅狀態，我特登提前飲咗Red Bull。」
再被問到會否在演藝圈發展？Ellyn表示：「我都希望可以拍劇同拍電影，不過其實最想就係拍古裝劇，因為啲衫好靚，自己冇乜機會着到古時啲衫。」對於其他佳麗未能獲獎，她亦感到可惜：「我自己覺得對其餘佳麗都好可惜，因為我哋今年15個嘅質素都幾好，所以其實我覺得每個人都deserve（值得）一個獎，佢哋都係值得嘅！」由𡃁模蛻變成為港姐冠軍，講句嘢都唔同啲。
