更新時間：12:13 2024-09-04
發佈時間：12:13 2024-09-04
發佈時間：12:13 2024-09-04
於《法證先鋒VI：倖存者的救贖》昨晚（9月3日）一集，井Sir（袁偉豪飾）等人雖仍未調查出水晶燈殺人事件幕後主腦，但深知自己才是兇手真正目標的Nana（蔣祖曼飾）早已認定是李王愛蓮（林漪娸飾）所為，遂召開記招隔空向李太宣戰…根據劇情，蔣祖曼與漪娸姐有不少衝突場面，由於二人同為好戲之人及霸氣十足，故每場VS戲均甚有睇頭兼戲味十足。
與漪娸姐合作後即變小粉絲
談到與老戲骨漪娸姐高手過招鬥氣場，首度與漪娸姐合作的蔣祖曼笑言起初好驚，但經過數次交手後即愛上漪娸姐：「原來佢表面睇雖然好嚴肅，但實際係超Nice超專業，雖然我同佢係拍攝時先見面，但因為佢好溫柔、好親切，所以大家一嚟就有研究劇本同係咁交流。我記得有場佢情緒起伏都幾大嘅戲，但無論係近鏡定只係背對鏡頭主力畀戲我，佢每次都可以好精準咁拿捏到個情緒，真係好佩服，我好鍾意漪娸姐呀！」
為要「名模身段」下唔少苦功
蔣祖曼是次飾演的Nana其實頗為立體，除要不時展露作為國際超模的霸氣及型格面外，又要偶爾展現驚青、冒失及佻皮面，勁有發揮。而向來以好演技見稱的蔣祖曼，這次更成功以「名模身段」吸引網民目光，前晚（2日）一襲露腰裝不但展現超幼蛇腰，馬甲線亦是清晰可見。
管住個嘴 邁開你雙腿
蔣祖曼受訪時坦言開拍前沒有為角色刻意操線條，反而有Keep住節食和運動去維持角色所需的瘦削身形：「當時除咗停晒所有澱粉質同糖，都有做吓HIIT或者帶氧運動同拉筋，我嗰時開工喺酒店有預備到一Set啞鈴，總之要保持體態，都係要管住個嘴，同埋邁開你嘅雙腿。」
最Hit
