發佈時間：15:23 2024-08-19
出道兩年、由小薯茄成員組成的男團FINALLY，成員包括第一隊長Chorus（程人富）、第二隊長JPG（阿J）、第三隊長Fatman（肥蚊）和隊員M.I.C.（朱Mic），繼去年首度勇闖樂壇，推出第一首單曲〈終於出歌〉後大獲迴響，今年再接再勵，與製作人Nic Tsui再度合作，包辦監製和作曲，阿檸填詞，推出第二首抒情單曲〈樓下的貓〉。此外，更邀請得人氣女團COLLAR成員Ivy So擔任MV女主角，這是Ivy首次演出COLLAR以外的歌手的MV，FINALLY四子均表示：「非常興奮！」
四子戲中扮流浪貓 街頭識女仔
FINALLY的MV極具故事性，四子在戲中飾演流浪貓，在街頭四處討女孩子歡心。一般的流浪貓都很可憐，但FINALLY則指他們演的是幸福的流浪貓，他們說：「我哋同貓嘅共通點就係可愛、高竇、討人喜歡，而流浪貓嘅比喻就好似FINALLY勇闖樂壇，每次我哋出席公開活動，其他歌手嘅fans都會好落力為我哋打氣，令我哋覺得自己好似流浪貓，有唔同嘅人愛錫我哋、餵我哋食嘢，甚至比家貓更幸福，而我哋亦都好享受呢種關係！」繼玩味十足的〈終於出歌〉後，為何會推出情歌〈樓下的貓〉，第一隊長Chorus指：「其實係終粉（FINALLY粉絲）覺得我哋唱歌全是感情，沒有技術，為咗令我哋嘅感情可以發揮到最好，我哋就決定出一首R&B嘅情歌，唱出所有感謝，滿足終粉！」
一致決定揾Ivy乘機自肥
〈樓下的貓〉歌詞中提到不少女神的名字，FINALLY成員一致認為MV都需要一位女神級的女主角，而在擬定人選時，毫無懸念一致決定人選為Ivy，並乘機借此自肥。首次擔演其他歌手MV女主角的Ivy笑說：「之前同COLLAR隊友上小薯茄節目時，已經有合作過，那時同M.I.C.有些淵源，一直都覺得FINALLY好搞笑，冇諗到佢哋會出抒情歌。第一次聽到〈樓下的貓〉時，覺得曲風很新鮮，加上我都好鍾意提攜樂壇後輩，所以我一口答應！」
講到Ivy與M.I.C.在MV中有親密行為，3位隊長Chorus、JPG、Fatman都恨得牙癢癢，JPG說：「我哋有舉手同導演自薦，但失敗咗，咁唯有自行係戲外『加戲』，多啲同Ivy傾計！」Fatman則指：「Ivy好專業，即使我哋用好熾熱眼神望住佢，佢都好努力同我哋演戲，仲讚我哋可愛」
