發佈時間：14:52 2024-05-27
早前《東張西望》報道76歲何伯與年輕逾30年的內地婦閃婚故事，掀起全城熱話。抽水王林作就先後以10萬和100萬「重金禮聘」新何太，邀約合作，拍住揾真銀，不過昨日(5月26日)林作就上載了一段新何太回覆網民的片段，內容指她不想同林作合作，因為林作提出的條件有問題。
新何太拒絕合作
新何太於直播中語帶輕挑地說：「冇，我唔會同林作反面，今次唔合作，或者第日仲有機會呢？係咪呀？」何伯在旁附和：「呢次唔啱啫，可能下次啱呢。唔好同反面人。」結果林作開PＯ怒罵新何太：「睇完何太直播，我真係火都嚟。你話你唔同我反面，日後話唔定有機會合作？！我做人敢愛敢恨，從不怕得罪人，我同你反面啊！等我又嚟做個直播，同大家分享你係點同我傾？睇下邊個係沒有誠意啲？PS 我個腎好好，絕對沒問題！」
林作嬲爆 : X你老公啦！
聽到新何太口出狂言地表示如果老公成功取回450萬：「交畀我去打理嘅話，我肯定好努力，將450萬變成4,500萬，變成5億，變成50個億都有，我個目標係要搵夠1萬億㗎！」林作又cap圖寸爆新何太：「一開始爆粗我都由你，但係我真係X ，唔知原來你咁大理想要搵一萬個億。對唔住，係我錯，唔應該浪費時間喺個白卡度！你慢慢X你老公啦！」有網民留言說：「原來你真係同佢傾過？我以為你再抽水添，咁我真係好想知你哋傾嘅內容！」、「你都要輸俾河X！」
林作直斥「何太含血噴人」
林作今日再出po直斥「何太含血噴人」，他還說：「這根本不是我的說法，她連字都他媽的看不懂！全程 WhatsApp 對話，我主要以文字表達，以可以白字黑字準確無誤為依歸，但她兩秒看完我一大段字就說『唔明』。我以為她只是扮傻，點知原來佢真係唔識字！我根本不是說只給她10萬！我是給出底薪 + 學費分成方式，係點計都似係過百萬，更不會要有任何業績要求，包括佢指控我話要1萬個學生先有錢分！含血噴人，想污衊我？！我答應過所有對話保密，但這一刻真的很憤怒，因為你屈我。各位網民，你哋覺得我好唔好公開對話？欺人太甚。」
