更新時間：17:33 2024-03-09
發佈時間：17:33 2024-03-09
發佈時間：17:33 2024-03-09
《東周刊》獨家踢爆慈山寺前住持洞鈜法師，犯戒食肉，仲要專登去荃灣「沙嗲王」外賣佢至愛嘅沙爹雞肉、沙爹豬肉同咖哩雞返歸慢慢歎，究竟有幾好食？《東周刊》即刻搵嚟有拍試食Channel「東Eat」嘅藝人「為食東」黃建東，即場去試食一下。
沙嗲汁夠濃郁
沙嗲王創立於1984年，在香港經營咗40年，黃建東話讀書時都有幫襯過，但好耐冇食。
當佢見到洞鈜法師至愛嘅沙嗲雞（$68）同沙嗲豬（$69）上枱時，連佢都話香噴噴又吸睛，即刻忍唔住試食咗個沙爹豬先：「個豬肉香茅味好重，又脆又嫩，而且沙嗲汁好濃郁，真係好有沙嗲味！」難怪連法師都食到舔舔脷！
減緊肥都要食
跟住黃建東再試食個咖喱雞（$78），他大讚：「雞肉又滑又腍，外層有啲脆脆哋，點埋個沙嗲汁真係絕配；想食得清淡啲，就可以揀咖哩汁，因為佢清啲、香啲，滑得嚟唔會太濃。」唔怪之得法師都要破戒喇。
其實黃建東本身都減緊肥，但美食當前真係食到停唔到口；佢仲即場打畀幫佢建身嘅教練話：「大鑊！我食咗好多肉，嚟緊有排減喇！」一於食完先算。
最Hit
