更新時間：14:37 2024-02-21
發佈時間：14:37 2024-02-21
發佈時間：14:37 2024-02-21
李龍基的36歲未婚妻王青霞（Chris），日前因涉逾期居留、使用虛假文書等6罪被控告，昨日（2月20日）於沙田裁判法院提堂，案件押後至4月16日再訊，另於2月28日作保釋覆核申請。今日(2月21日)愛妻心切的李龍基從廣州坐高鐵趕回香港，並趕往大欖懲教所探望還押中的未婚妻。
眼泛淚光去探監
李龍基離開高鐵站後，揸車直入大欖女懲教所，隨後折返回到入口崗填寫申請表格進行登記，一度眼泛淚光哽咽控制情緒。李龍基在等候見面時受訪，稱今日未安排見律師，因為律師行好忙，獲好多圈中朋友慰問，很多謝他們關心。李龍基又稱原本下午4時才回到香港，今日便見不到面，懲教方面電話通知，指她需要日用品，李龍基隨即問今日是否能見面，安排到時間見。
流年不利、犯太歲
講到新年似乎不太好？李龍基嘆稱是流年不利、犯太歲，問到有否留意案情，控罪更多達6 項？李龍基嘆氣說：「留意到，好多事我自己都不知咁大鑊，我以為逾期不是大件事，原來好多事我不知道。（有偽造文件？）我未見過，從來未見過，她講咩就聽，作為佢嘅未婚夫，我都冇可能樣樣嘢都懷疑佢，樣樣嘢都check佢，咁樣好似好唔畀面，亦好似對佢好唔信任，佢講嘅，我唯有相信。」
李龍基 : 佢一出嚟我會同佢結婚
問李龍基探完未婚妻，未妻情況如何?他就話:「我叫佢唔好擔心，我應承佢，佢一出嚟我會同佢結婚。唔好理外界講乜嘢，我知道佢係真心，希望佢經過呢個教訓，我相信佢之後唔會有啲咩事再欺騙我。」基哥坦言這件事對他和未婚妻都是一個很大的教訓。
最Hit
