更新時間：09:40 2024-02-26
發佈時間：09:40 2024-02-26
發佈時間：09:40 2024-02-26
有「至索經理人」美譽的林寶玉（Connie），搣甩「亞視一姐」阿儀後，龍年第一炮，就是推出噴血寫真月曆！之前，因為她一直以經理人的身份示人，不方便以藝人身份推出任何產品，所以入行多年，順延至今日才推出一本屬於自己的靚相集。
由於是處女靚相集，故製作絕不馬虎。她一行5人，遠赴歐洲4個地方，包括：布拉格、維也納、芬蘭、意大利。今次旅程，她除了拍寫真月曆之外，還為自己的YouTube頻道拍攝節目；周遊列國，她最鍾意就是歎布拉格的啤酒spa。
拍片加寫真，足足用了3個星期的時間，豪花6位數字的費用，她坦言：「雖然由出版商贊助，但係都已經超出了預算，需要自己補錢，不過影出嚟有咁靚嘅效果，我覺得絕對值得！」
為了令大家賞心悅目兼愛不釋手，Connie用了整整3個月的時間做地獄式的健身，不僅操出玲瓏浮凸的身形，還練出馬甲線。至於，在冰天雪地下拍攝泳衣照，她憶說：「雪景喺芬蘭拍攝，繞過半個地球過去，當時係零下8度，都幾凍；不過，最緊要出來的效果靚！順便去探訪下芬蘭嘅聖誕老人村，寓工作於娛樂。」
鑽石內衣
她續說：「至於最激嘅造型一定係鑽石內衣嗰一套，基本上啲鑽石只係掛喺條頸上面，當一個內衣款式，不過我覺得幾特別。拍嘅時候喺酒店走廊，等到半夜先行出去影，兼極速用咗5分鐘時間影，所以呢一款相無太多張，都幾珍貴！」
雖然今年7月書展，Connie有意再推出一本寫真集，但她有兩間舖頭要打理，又忙着出席各種商業活動，故未必有時間再拍攝多一輯靚相。她坦言：「其實都仲未確實，因為都怕到時會由於工作上嘅關係，抽唔到時間。經過今次，發現影一輯寫真，其實都真係需要好好嘅時間安排，並非想像中咁簡單。今次小試牛刀，體驗過拍寫真嘅感覺，擁有到自己第一本作品，真係幾開心！」
最Hit
