更新時間：15:18 2024-02-01
發佈時間：15:18 2024-02-01
發佈時間：15:18 2024-02-01
最近，李龍基（基哥）的未婚妻王青霞（Chris），被指曾任小姐、假學歷、賣假畫、借錢不還、冒認繆騫人女兒、已經和一名美國空軍訂婚等傳聞。一眾網友日日追睇各大名人、YouTuber、名嘴出來抽水討論這件事，當正觀賞連續劇。其實，上述指控相當嚴重，據悉基哥已交由律師處理；而基哥就向東姑表示，對Chris投以百分百信任，絕對不相信未婚妻曾經結婚及一腳踏兩船，亦不覺得對方是貪他的財富。基哥重申：「我從來冇話過俾咗7層樓佢，佢自己都已經好有錢，有兩層樓揸手，使乜貪我啲錢。每個月家用梗係有俾啦，就算喺屋企任佢攞，攞得幾多？其實，每個人都有過去，我有過去，所以我要接受佢嘅過去。」
李龍基信風水 變髮色增運
有指，現年73歲的基哥，最近如此多是是非非，皆因他在白頭上挑染了一小束粉紅色頭髮。日前，東姑在一間公司的團年晚宴上，撞到基哥帶同Chris一同出席。席間，東姑發現向來篤信風水的基哥，寧可信其有不可信其無，已經將頭髮染回白色，希望幫未婚妻逃過一劫。
頭髮帶粉紅 惹「火慾焚身」之劫
據玄學家區仲德博士稱：「虎年農曆九月出生屬陽庚金的李龍基，命犯紅艷煞，其人風流多情，感情浪漫易生紛爭，不利姻緣，導致他一生中行為膽大，對愛情處理不夠心思。2023年，他犯亡神及天官符，加上頭髮帶粉紅，火多焚木，惹『火慾焚身』之劫，在意亂情迷之下出現爺孫是非之戀情，無可奈何！近期，他頭髮變白，金神得力，2024甲辰龍年，見三會吉星到，妻星又大旺，年中後料是非可解矣！」東姑相信基哥都好想吉星盡快降臨！
最Hit
