發佈時間：13:23 2024-01-19
近日熱播的《飛常日誌》大受觀眾歡迎，皆因片中有大批靚女藝人演空姐，當中有唔少演員更加係曾經做過空姐，邊個做過 ? 邊個未做過?即刻話畀大家知 !
飾演空姐地勤的女演員多達15名
劇中飾演空姐/地勤的女演員多達15名，包括蔡思貝、戴祖儀、劉穎鏇、宋宛穎、關楓馨、莊易羚、鄧伊婷、曾文心、利穎怡、吳紫韻、彭翔翎、劉嘉淇、盧映彤、蘇可欣及史穎喬。當中蔡思貝、劉穎鏇、宋宛穎、關楓馨、蘇可欣均是港姐出身，而宋宛穎更為冠軍級人馬。莊易羚、鄧伊婷及彭翔翎亦有參加選美活動經驗，其中彭翔翎曾參加校花校草選舉並打入最後四強。
蘇可欣做過兩年半空姐 同演員分享「空姐經」
蘇可欣（Eunice）曾參加2016香港小姐競選並躋身20強，在選港姐前曾任職兩年半空姐，入行後代表作品有《3日2夜》及無綫娛樂新聞台主持工作，參與劇集有《愛‧回家之開心速遞》及《十八年後的終極告白》等。
於《飛常日誌》宣傳期間透露有意回歸空姐行業的蘇可欣（Eunice），在劇中既是演員亦是空姐Look顧問，思貝早前於直播期間便透露蘇可欣拍攝期間除與眾女演員大方分享「空姐經」，更是眾人的「髮型顧問」，先後教曉思貝及劉穎鏇等「空姐盤髻大法」，是劇集靚靚空姐Look的重要功臣之一。
問到蘇可欣（Eunice）當初為何投身空姐行列，她笑言是受TVB經典劇《衝上雲霄》影響：「好老套地真係因為《衝上雲霄》而想做空姐，應該話佢係呢個職業夢嘅種子。到有一次好偶然見到個女仔著住空姐制服加大褸，好有氣質好端莊咁，令我更立志要加入呢個行業。」
於2014年加入空姐行列的蘇可欣（Eunice），兩年半後毅然離職，並笑言當年參選港姐時只是想「Take個Break」，沒想到之後很快便決定轉行。
史穎喬做空姐因想「衝出亞洲」
至於憑劇集《新四十二章》及《羅密歐與祝英台》為人熟悉的史穎喬，是香港中文大學中國研究系碩士畢業生，畢業後隨即加入空姐行列，可惜卻因遇上疫情及公司大裁員而離職，之後透過參選《衝上雲霄大選》入行當藝人。
在劇中，飾演劉穎鏇同事的史穎喬，被問到當年為何會有加入空姐行列的想法，史穎喬笑言其中原因是想「衝出亞洲」：「本身家境唔係好富裕，大學之前都未飛出過亞洲地區，當時都有少少想透過空姐呢份工作衝出亞洲。加上我鍾意啲彈性同流動性高啲嘅工作，啱啱嗰時臨畢業時有航空公司去咗中大搞Booth畀同學報名，咁我就試咗，順其自然地就畢業後做咗空姐。我做咗空姐大概半年左右就遇上疫情，之後已經冇乜點飛，然後大概再過咗半年左右，我就遇上大裁員。」
問到空姐難忘事，史穎喬笑言是疑似撞鬼驚魂：「有次我飛長途機，去廁所時道門有啲Kick Kick地，到我去洗手間去到一半時又彈開，當時以為自己冇鎖實度門，跟住我就緊接聽到有啲好懷舊嘅音樂，仲要啲聲好拆同好多沙沙聲，初時我仲以為有人喺出面等緊我所以播歌，但出到去又唔見有人排隊，嗰吓係有啲驚驚地，但好彩之後亦再冇其他怪事發生。」
