發佈時間:16:53 2026-11-18
近日歐陽震華接受資深傳媒人汪曼玲的YouTube頻道《快拍.曼鏡頭》訪問,大談大病痊癒後的慢活人生。歐陽震華坦言年輕時拍劇太過搏命,曾兩度徘徊生死邊緣,令他徹底看透人生:「呢個經歷都令我睇透咗、睇開咗好多嘢。人一定係有因有果嘅,你種善因得善果,可能我後生時太過百厭啦。」歐陽震華憶述第一次危機,是當年憑《賭場風雲》入圍國際艾美獎最後五強,成為首位獲此提名的香港電視男藝人,但同時又要日以繼夜趕拍《法證先鋒II》,在長期高壓下終於累出病,甚至「生蛇」直上鼻頭:「嗰時腫到個鼻好似豬膽咁。我去咗48小時,一碗白粥都食唔晒,好似一萬支針拮住塊面咁。」
第二次闖鬼門關 急性肺炎送院搶救
至於第二次闖鬼門關,則是因為急性肺炎送院搶救,一度收到病危通知書,情況極度危殆:「大病嗰次,昏迷咗十幾個鐘,嚇死佢(太太)啦,要送院搶救。佢當時冇晒表情,只係望住啲儀器。睇住啲儀器推出推入,我都好多謝醫生同護士,真係到而家都好感激佢哋。」
經歷過生死大關,歐陽震華坦言因此而決心戒掉重口味,透過鑽研養生飲食成功甩掉大肚腩。他在鏡頭前明顯消瘦不少,但精神奕奕,更分享了個人的瘦身秘訣:「有啲觀眾會擔心我,而家唔係歐陽胖胖,而家瘦咗啦。咁其實飲食係關事嘅,我而家成日喺屋企睇嗰啲健康平台,睇吓其實好多人進食個次序,其實一路都係錯,所以你哋會肥。根據科學解釋,我哋消化嘅次序呢,就食菜先,食菜,跟住食魚食肉,最後先至食主食,即係食飯。」歐陽震華表示不用挨餓節食,單靠調整進食次序,就讓他成功減走內臟脂肪:「我個磅數無乜點郁,但係中央肥胖就真係減咗好多。我之前有少少脂肪肝,我個醫生同我講:『你冇肚腩應該無脂肪肝啦。』」
歐陽震華計劃未來入住豪華老人院
歐陽震華與太太傅潔嫻結婚30年一直恩愛如昔,但兩人早在婚前已達成不生育的共識。被問到為何堅持不生小朋友,歐陽震華坦言當年結婚時自己心智尚未成熟,加上深知養兒育女責任重大:「因為嗰時結婚都成三十歲,雖然有三十歲嘅外殼,但個腦都係得十幾歲。我好多嘢都未見過,好多嘢我都未玩過,生個出嚟,你唔係生完就完咗呢件事,你呢件事係啱啱開始咋,後面嗰啲棘手嘢係跟住嚟。」對於無兒無女的晚年規劃,他表現得相當豁達:「第時老咗冇人照顧,咪雙雙入老人院囉,唔一定要坐輪椅先入去嘛,而家啲老人院好豪華㗎,有伴又有人照顧埋,生活一樣可以好開心。」
提醒生仔唔好只為自己
歐陽震華的訪問即時成為城中熱話,有網媒把他這訪問轉述報導,即引來極大迴響,不少網友都表示歐陽震華的看法,正提醒了大家,不要僅僅出於希望子女在自己年老時提供經濟或個人支持,而去生育。
延伸內容 : 聲生不息4︱ 歐陽震華與容祖兒陳小春合唱 大晒港普自揭靚女演員搵他拍檔真相
延伸內容 : 獨家直擊︱歐陽震華賀波姐生日激罕獻聲 飲歌原來係呢首!
延伸內容 : 盤點娛圈「不生育」夫妻│梁朝偉、劉嘉玲享受自由生活 周慧敏、倪震愛貓多過人