發佈時間：12:00 2026-11-08
向來熱衷打匹克球的關楚耀和陳庭欣，由玩玩吓「升呢」當星級教練，日前更以選手身份，現身《2026「凱瑞麟盃」粵港澳大灣區匹克球城市挑戰賽香港賽區（CPC-600）》作賽。
順利晉級決賽
陳庭欣和關楚耀分別參加混對和男雙賽事。陳庭欣以往跟關楚耀是拍檔，但因他有賽事而換人。她笑說：「同阿關（關楚耀）拍得多，今次咪換個高顏值小鮮肉，我都「杜」咗唔同朋友玩呢個運動，大大話話都50、60個，連我老竇都玩埋，佢又帶啲退休同事。反而未叫到東張嘅男神、女神打波。我依㗎係教練，都有教朋友，收小量學費，儲咗個小基金，扣除搭車，現有幾千蚊，打算用來做慈善，教啲低收入家庭小朋友。」而關楚耀抱着enjoy心態作賽，自言不着重「贏輸」。當日，二人順利晉級，下周出戰假屯門的決賽。
之前撞過「劉黎戀」
提及劉愷威和黎紀君打波打出「戀情」，陳庭欣笑言：「有恭喜佢啊，我哋同一個場撞到，之前見到佢哋，知知哋嘅，但唔會講。都戥佢哋開心。」而她打波後，都認識了不同界別的朋友，但仍未遇到意中人。她說：「之前阿Bob（林盛斌）都問我同『閔大人』係咪真？係咪要停（介紹男仔）？我話唔係呀。我同閔大人係兄弟，識咗多年。」不過，她指現時投入打匹克球，稍後會去越南度進修，因為大馬和越南的匹克球高手雲集，應有助提升球技。
是次賽事，由中國匹克球巡迴賽(CPC）首次落戶香港，故國家體育總局要員也到場主持開幕禮。大會搞手之一的廣東省粵港澳合作促進會文化傳播委員會香港區副主任盈動體育會會長黃德君和大賽港澳賽區組委會代表李彥儀，二人同聲表示：「今次係根據國家級標準賽事作賽，希望搵多啲地區高手加入打匹克球，推動全民運動。」她們指香港賽區出線代表，稍後會到廣州，跟大灣區八個城市的頂尖選手作賽，角逐大灣區年度總冠軍榮譽。
延伸內容︰陳庭欣同謝東閔傳緋聞 爆同對方相識15年 首次為佢做一件事！
延伸內容︰謝東閔單身兩年 做「金主」埋單賀陳庭欣生日 回應曖昧 共同興趣打匹克球
延伸內容︰陳庭欣情斷豪門搬離九肚山大宅 黃大仙500呎蝸居曝光 換埋國產電車代步重新開始
