發佈時間：16:10 2026-11-06
《璀璨之城》踏入結局周，於11月4日一集的焦點劇情，為是Kate（張曦雯飾）得悉孝君（吳卓羲飾）與Alice（高海寧飾）出軌後極度破碎，更搬離官家；但為了保護孝君，Kate狠心企圖撞死Alice，孝君得悉後苦勸自首，反令Kate更感心碎…昨晚絕對是張曦雯Kelly的演技晒冷之夜，五場不同層次的喊戲，以及一場嗌交戲盡顯躍進演技，網民亦大讚《璀璨》是Kelly「從演以來演得最好一次」、「單憑眼神，已看得出是真愛。」
網民大讚Kelly眼神有真愛
六大場口之中，難度最高的，絕對是Kelly在天橋底、向吳卓羲心碎告白一段！為了成為阿君背後的得力女人，Kate多年來壞事做盡；即使孝君又要離婚又要背叛自己，但Kate為了保護孝君，仍決定賭上自己人生「殺人救老公」，令網民不禁感嘆：「怎麼愛得這樣傻」。在昨晚長達4分鐘的獨白戲中，Kelly全程流著眼淚盡訴積壓心中多年冤屈；雖然角色內心淒苦，但Kelly並未單一地「落淚」處理場口，而是逐步由委屈步向崩潰，但當提及圓夢嫁了給孝君，及奢望孝君會保護她時，Kelly又分別展露了甜笑及「絕望的笑容」，演技相當有層次。再加上Kate的愛情觀實在卑微得可憐，觸動不少網民留言替Kate不值。
天橋底4分鐘獨白戲令人心碎
Kate先是委屈地大吐苦水：「其實你有冇喺我嘅角度出發過？我係你老婆，我有啲嘢唔可以唔做」、「我認呀，我真係好憎Alice，但我撞佢，係因為佢要脅你，我冇其他方法呀，我唯有令佢消失，我先可以幫到你」、「我喺老公同曾經嘅朋友之間，我一定揀你，我咩都可以畀晒你，我連我個人生都可以攞出去賭成全你，呢個係我唯一可以保護你嘅方法。」雖然自己一再suffer，但Kate還是不能自控地一切以孝君為先：「我以前以為自己好叻，用盡方法（甜笑）嫁咗畀你，為咗保住你嘅地位，我可以為你做任何嘢，但我依家先發現，原來我都不過係個蠢女人，最後唔係為咗啲咩身份同地位，我淨係想我老公冇事」、「就算你要離開我，我都要用我最後嘅方法，去保護埋你最後一次。」
當Kate一字一淚地說出為孝君的犧牲後，孝君雖然喊到眼淚鼻涕，但天性正直的他，第一時間叫Kate自首，縱然承諾會與Kate「一齊承擔」，但還是傷透了阿Kate的心。阿Kate聽到「自首」二字後極心痛仰天絕望一笑：「哈，其實我打電話叫得你嚟，我一早知答案，我太清楚你喇。」說完這一句，阿Kate步進了絕望至崩潰的極痛：「但我都有一絲奢望，我好想好想你同我講你唔會畀我有事，我真係太傻。」
延伸內容 : 璀璨之城｜張曦雯7分鐘半裸戲 疑遭刪減 僅剩半秒露側乳 曾傳江美儀、袁詠儀游說演出
延伸內容 : 《璀璨之城》蔣家旻同黃子恆鴛鴦浴 一早備案唔驚老公嬲
延伸內容 : 《璀璨之城》 被張智霖「壁咚」陳曉華搏到盡 電視城外狂冧粉
延伸內容 : 璀璨之城｜陳瀅全裸性感片段 傳被私下廣傳 本尊現身解謎
延伸內容 : 江美儀同吳卓羲由炮友變到做佢阿媽 劇透《璀璨之城》毒殺二奶！｜獵奇心態玩交友App差點中招
延伸內容 :《璀璨之城》陳瀅為角色狂操「蜜桃臀」 分享6大減肥秘訣！
