發佈時間：17:21 2026-11-05
昨日(11月4日)東姑去《叱咤樂壇流行榜頒獎禮》記者會湊熱鬧，就見到張天賦（MC）、陳蕾、洪嘉豪、康堤、Dear Jane、Gareth.T、張蔓姿及張蔓莎等一班年輕新力軍歌手雲集。出道5年嘅MC全程展現勝利笑容，早早預告一定出席，仲大方展現對男歌手金獎嘅野心！問到係咪公司出力幫佢爭取？MC即時尷尬笑答：「公司比咗好大資源我，我自己都會全力以赴！」講到想攞幾多個獎，佢更爆出一句：「越多越好啦，我係貪心嘅！因為信心爆棚係歌手嘅先決條件，咁先有信心企上台。」至於今年有勁敵缺席，佢就話同勁敵無關，最緊要對自己有信心，仲自爆信心分高達120分添！
避談康堤緋聞 怕安慰變「二次傷害」
提到同場嘅康堤近日傳出感情新聞，大家即刻向自稱「愛情過來人」嘅MC應該要過返兩招畀後輩，MC聽到即刻笑言自己感情經驗唔算豐富，又表示：「面對緋聞或者感情事，可能自己覺得冇咩，但輿論壓力會影響心情。既然同自己無關就唔多講啦，況且佢都係成年人，會識得處理。」問到私下有冇安慰對方？MC就非常審慎咁話：「未有資格安慰佢呀，呢啲嘢好容易造成二次傷害，安慰反而重新勾起件事，喺唔知有冇影響嘅情況下講嘢，可能仲傷。」講講下發覺話題又扯返去自己身上，MC即刻尷尬轉話題，重申自己對獎項依然信心十足！
澳門玩卡牌輸咗勁失落 拒入賭場避目光
另外，早前有網民喺澳門拍到MC玩卡牌遊戲，佢就解釋當時係去參加比賽，可惜最後「順利落敗」，佢坦言輸咗之後心情極度失落，甚至比拿不到歌曲獎仲失落！佢笑言：「第一次玩以為靠技術，點知好多時都係講彩數同睇遇上咩對手。」被問到去到澳門有冇順便入賭場碰下運氣？MC即搞笑話：「唔方便啦，會被人認得我呀！（可以去私人賭場？）多謝提醒喎，不過我都係唔去啦，玩卡牌至少唔會高消費嘛！」
延伸內容 : 姚正菁自爆對張天賦心心眼！林雅詩撐新書《愛的金星》分享自癒方法
延伸內容 : MC張天賦紅館第三場│驚喜浪接浪 姚焯菲終現身圓四年之約「驚喜一脫」引爆全場
延伸內容 : MC張天賦緋聞女友Cherry自拍影片疑似意外錄到MC聲音 即引發粉絲不滿質疑兩人關係
