發佈時間：10:54 2026-10-19
《女神配對計劃2》昨晚（18日）播出第 7 集，12位求愛勇者吳兆麟（Alan）、吳旭東（東東）、俞鋆瑞（Ice）、譚梓樂（Hepta）、李爾晨（Kyle）、林子朗、伍頌曦（Preston）、侯建民（Zico）、林福明、吳俊峰（Mark）、方智弘（Oscar）及關經翰（Oswald），與5位女神何沛珈（Roxanne）、阮嘉敏（Mandy）、陳若思（Amber）、俞可程（Kanis）、郭珮文（Juliana），及 2 位隱藏女神梁超怡（Chiuyi）及陳星妤（Yvette）登場。
當中女神阮嘉敏備受兩大癡心情長劍內地短劇男神吳旭東（東東）和Hepter之爭，雖然很多人都覺得東東勝券在握，但東東仍是竭盡所能討Mandy歡心，完全是「長跑型癡心男」。二人齊齊坐車出發前往場地時，東東刻意為Mandy送上企鵝公仔掛飾，成功令Mandy笑逐顏開，另邊廂同樣深愛Mandy，而且年期仲要有番咁上下長的Hepta，雖然連與Mandy好好長時間相處的機會都還未遇到，但他一樣是竭盡所能為Mandy花盡心思，這天拍攝，他便為Mandy 送上眼藥水，Hepta：「你鍾意一個人，佢同你講話佢鍾意嗰樣嘢，你就會記住下次想帶畀佢架啦。」原來Hepta一直都有為Mandy送上各式各樣的必須品，是一等一「絕世暖男」，Mandy：「佢成日送好多膠布、眼藥水呀，佢係行走嘅便利店，我真係諗唔到佢做漏啲乜。」
換選對象
雖然東東初時領先，但在「心跳電話亭」環節中，阮嘉敏竟然爆冷放棄東東，改選一直默默守護她的譚梓樂（Hepter）作為互動對象！突如其來的抉擇不僅令全場震驚，更讓被留置一旁的東東當場忍不住爆喊，相當心酸。
阮嘉敏也眼濕濕地解釋改選的因由，提及先前在摺衫環節中錯選丁標，讓自己內疚，因此提醒自己必須真正跟隨內心。她向一旁的東東致歉：「我上一段戀愛真係諗住結婚嘅，所以我參加呢個節目，我唔想再戀愛腦。」 看著東東聽到心碎落淚、眼眶泛紅，阮嘉敏急忙安慰：「不要哭。我想揀個合適嘅，想試吓同佢認識多啲⋯⋯咁樣都對你公平，因為你可能都希望我選擇你，係深思熟慮諗過，但我冇覺得你唔好。」而獲選的 Hepter 亦展現極大紳士風度，即時拍肩膀並遞紙巾安慰情緒低落的東東。
醋意十足
進入「心跳電話亭」後，阮嘉敏向 Hepter 坦承對方給予自己的安全感很像哥哥，對自己極其上心。她特別提到 Hepter 即使面對語言不通的競爭對手東東，依然展現出極高的同理心，主動為對方充當翻譯，這份大方得體的態度令她深受打動：「當全世界所有人都以為我淨係鍾意一個人，但你冇放棄，你冇氣餒。」Hepter 亦深情回應，一直用「摸頭殺」安慰內疚的阮嘉敏。他表示自己並不認為阮嘉敏做錯任何事，只想好好照顧她，互動溫馨浪漫。 不過，坐在後台的東東卻全程處於發呆狀態、不苟言笑。當看到 Hepter 在電話亭內溫柔摸頭安慰阮嘉敏時，東東終於忍不住「葡萄」：「摸頭是幹甚麼？」又指自己很難受，很折磨，酸味爆燈。
延伸內容︰女神配對計劃2｜吳旭東為阮嘉敏勇敢行第一步 「一句說話」冧爆女神！
延伸內容︰《女神配對計劃2》阮嘉敏獲霸總吳旭東飛撲搶櫈 冧爆心動：好Man呀
