發佈時間：09:36 2026-10-17
TVB真人騷戀綜《女神配對計劃2》，今周日晚第七集，12位求愛勇者吳兆麟（Alan）、吳旭東（東東）、俞鋆瑞（Ice）、譚梓樂（Hepta）、李爾晨（Kyle）、林子朗、伍頌曦（Preston）、侯建民（Zico）、林福明、吳俊峰（Mark）、方智弘（Oscar）及關經翰（Oswald），與五位女神何沛珈（Roxanne）、阮嘉敏（Mandy）、陳若思（Amber）、俞可程（Kanis）、郭珮文（Juliana），及 2 位隱藏女神梁超怡（Chiuyi）及陳星妤（Yvette），除將挑戰刺激感及粉紅氣泡泡滿滿的「心跳」主題考驗，女神們與求愛勇者將經歷一場超近距離的「心跳回憶」。
兩女火力全開
為搞搞新意思，5 位女神將與有好感求愛勇者，齊齊坐製作組安排的車出發前往今次拍攝現場，當中最有趣的，是由於Roxanne及Kanis之前都揀了Oscar，結果就出現「三人同車」經典黃金畫面。Roxanne 與 Kanis 被安排近距離爭仔，氣氛極度爆笑尷尬。三人上車的順序是Kanis、Roxanne及Oscar，當Kanis見到上車的竟是 Roxanne，她即大呼尷尬：「好尷尬呀，即係我哋要兩個女仔，加一個男仔同一架車。」而Roxanne 則大方主動了解，Kanis 與 Oscar 的發展進程。Roxanne：「我想同你傾吓偈，想知你到底係咪非佢（Oscar）不可，或者愛佢愛到揀唔到第二個喇？」對此，Kanis坦言其實仍在觀察階段：「都要再多啲時間相處吓，有冇興趣了解多啲就一定有，但係咪非佢不可，放棄晒所有人，又未去到呢個程度。」 而最後登車的Oscar，當見到車廂中既有Kanis、又有Roxanne，亦嚇了一跳，雖然表現勁尷，但還是勇敢地提出「公道坐法」：「我坐中間咯」、「嘩！搞啲咁嘅嘢」、「開心驚喜刺激！」
由於不知如何打開話題，三人一度陷入Dead air，極度尷尬的三人最終爆笑收場，Oscar 則乘機搞氣氛：「好喲，鬥尷尬咯！」為了打破悶局，三人將話題扯到「染髮」上，豈料換來一輪「差別待遇」爭風呷醋事件，Roxanne突然「火力全開」，搞笑地句句求Oscar關注兼捉錯處：「點解你唔讚我嘅？」、「點解你留意佢IG嘅」，最終事件演變成Oscar Roxanne 鬥嘴、Kanis 陪笑，事件亦意外令Roxanne與Oscar感情升溫：「當我了解多咗Roxanne 之後，我會發覺原來佢好高冷，但係佢講嘢係好笑架喎，因為我自己又係好鍾意開玩笑，大家打乒乓波咁來回接笑點，係有畀Roxanne驚訝到嘅。」Kanis亦大方指Oscar 與Roxanne 好夾；「我覺得佢哋嘅互動都幾搞笑，都幾啱傾嘅，我就覺得可能佢哋都幾夾。」
延伸內容︰女神配對計劃2｜何沛珈睇中姊妹求愛者Oscar 俞可程呷醋失落
延伸內容︰《女神配對計劃2》俞可程與「冷氣男神」Oscar甜蜜自拍 郭珮文獲Preston餵食拿破崙
延伷內容︰女神配對計劃2｜自爆拍慣散拖 嚇親何沛珈 吳俊峰真身大起底！唔止高大咁簡單！
